سعودی پراجیکٹ کے تحت ایک ہفتے میں یمن سے مزید ایک ہزار 488 بارودی سرنگیں صاف

بدھ 30 اپریل 2025 15:01

ریاض(اُردو پوائنٹ اخبارتازہ ترین - این این آئی۔ 30 اپریل2025ء)سعودی عرب کے مسام پراجیکٹ نے گزشتہ ہفتے کے دوران یمن کے مختلف علاقوں میں مزید ایک ہزار 488 بارودی سرنگوں کو صاف کیا ہے۔

(جاری ہے)

عرب نیوز نے حکام کے حوالے سے بتایا مسام پروجیکٹ کی خصوصی ٹیموں نے 3 اینٹی پرسنل بارودی سرنگیں، ایک ہزار 437 بغیر دھماکے کی ڈیوائسز،46 اینٹی ٹینک بارودی سرنگیں اوردو دیسی ساختہ ڈیوائسز کو تباہ کیا ہے۔مارب، عدن، الجوف، لحج، صنعا، صعدہ، البیضا، الضالع، شبوہ، تعز، الحدیدہ اور دیگر علاقوں سے بارودی سرنگیں صاف کی گئی ہیں۔ 2018 میں مسام پروجیکٹ کے آغاز سے اب تک یمن میں حوثیوں کی بچھائی گئی چارلاکھ 90 ہزار144 بارودی سرنگوں کو تباہ کیا جا چکا ہے۔