Live Updates

وزیر خزانہ ومعدنیات بلوچستان کا یوم مزدور کے حوالے سے پیغام

بدھ 30 اپریل 2025 18:12

کوئٹہ (اُردو پوائنٹ اخبارتازہ ترین - اے پی پی۔ 30 اپریل2025ء) وزیر خزانہ ومعدنیات بلوچستان میر شعیب نوشیروانی نے یوم مزدور کے حوالے سے ایک پیغام میں کہا کہ سطح زمین پر ہم جو تعمیرات ، سہولیات اور رنگارنگی دیکھتے ہیں، یہ صرف مزدوروں ، محنت کشوں کے پسینے کے نتیجے میں وجود میں آئی ہے ،یکم مئی مزدوروں کا عالمی دن کارخانوں ، کھیتوں کھلیا نوں ، معدنیات کے کانوں اور دیگر کار گا ہوں میں سرمائے کی بٹھی میں جلنے والے لا تعداد محنت کشو ں کا دن ہے۔

(جاری ہے)

انہوں نے کہا کہ پاکستان سمیت دنیابھر میں مزدوروں کا عالمی دن منایا جاتا ہے، مزدوروں کی محنت نتیجے میں شہروں میں بلند وبالا عمارتیں و منزلات تعمیر ہوئیں جس سے شہر وں کے نقشے بدل گئے اور اس کے ساتھ ساتھ صحرا ہوں، چوراہوں ، میدانوں کو آباد کر کے سر سبز باغات میں تبدیل کیا۔ صوبائی وزیر خزانہ نے کہا کہ انسانی تاریخ میں محنت وعظمت اور جہدوجہد سے بھرپور استعارے کا دن یکم مئی ہے۔