Live Updates

اردو کے نامور شاعر اور مزاح نگار سیّد ضمیر جعفری کی 26ویں برسی 12مئی کو منائی جائے گی

بدھ 30 اپریل 2025 21:41

جہانیاں(اُردو پوائنٹ اخبارتازہ ترین - آن لائن۔ 30 اپریل2025ء)ا ردو کے نامور شاعر اور مزاح نگار سیّد ضمیر جعفری کی 26ویں برسی 12مئی کو منائی جائے گی۔سیّد ضمیر جعفری یکم جنوری 1916ء کو ضلع جہلم میں پیدا ہوئے ان کا اصل نام سیّد ضمیر حسین تھا۔تعلیم مکمل کرنے کے بعد انہوں نے بطور صحافی عملی زندگی کا آغاز کیابعدازاں انہوں نے فوج میں شمولیت اختیار کر لی اور اور میجر کے رینک پر پہنچ کر ریٹائر ہوئے۔

(جاری ہے)

سیدّ ضمیر جعفری کا شمار اردو کے اہم مزاح گو شاعروں میں ہوتا ہے ان کے شعری مجموعہ جات میں ’’ضمیر ضرافت،نشاط تماشا،کارزار،لہو ترنگ،ما فی الضمیر،مسدس بے حالی،،ضمیریات،قریہ جاں‘‘ قابل ذکر ہیں۔ ان کی کئی نثر نگاری پر مشتمل کتابیں بھی شائع ہوئیں۔1984ء میں انہیں حکومت پاکستان نے صدارتی تمغہ برائے حسن کارکردگی عطاء کیا۔سیّد ضمیر جعفری 12مئی1999ء کو نیویارک میں انتقال کر گئے تھے وہ راولپنڈی کے قبرستان میں آسودہ خاک ہیں۔