)پولیس ٹریننگ کالج کوئٹہ سے زیر تربیت انسپکٹرز نے بلوچستان کانسٹیبلری ہیڈ کوارٹر بدر لائن کوئٹہ کا مطالعاتی دورہ

بدھ 30 اپریل 2025 20:05

کوئٹہ (اُردو پوائنٹ اخبارتازہ ترین - آن لائن۔ 30 اپریل2025ء) ڈپٹی کمانڈنٹ بلوچستان کانسٹیبلری لیفٹیننٹ کمانڈر (ر)پی ایس پی عطا اللہ شاہ نے کہا ہے کہ بلوچستان کانسٹیبلری صوبے میں امن وامان کے قیام میں کلیدی کردار ادا کررہی ہے۔ جوان دن رات امن وامان برقرار رکھنے کیلئے اپنی پیشہ ورانہ ذمہ داریوں کو احسن طریقے سے سر انجام دے رہے ہیں۔ ان خیالات کا اظہار انہوں نے گزشتہ روز پولیس ٹریننگ کالج کوئٹہ سے زیر تربیت انسپکٹرز نے بلوچستان کانسٹیبلری ہیڈ کوارٹر بدر لائن کوئٹہ کا مطالعاتی دورہ پر آنے والوں کو بریفنگ دیتے ہوئے کیا۔

اس موقع پر دیگر آفیسران بھی موجود تھے۔ ڈپٹی کمانڈنٹ بلوچستان کانسٹیبلری نے کہا کہ صوبہ بلوچستان کے دیہی اور شہری علاقوں میں امن و امان کو قائم رکھنے کے لیے بلوچستان کانسٹیبلری کے اہلکاران کو تعینات کیا جاتا ہے۔

(جاری ہے)

بلوچستان کانسٹیبلری فورس کے ڈسپلن اور مورال کو بلند رکھنے کے لیے وقتاً فوقتاً کورسز کروائے جاتے ہیں۔ ماضی میں بلوچستان کانسٹیبلری کوئٹہ شہر میں کرفیو ڈیوٹی ، دھر نا ڈیوٹیوں کے علاوہ ہنگامہ آرائی کے دوران بھی بہترین فرائض سر انجام دیتی رہی ہے۔

موجودہ حالات میں بلوچستان کانسٹیبلری کا SPU دستہ بلوچستان کے مختلف مقامات میں غیر ملکیوں کے ہمراہ سیکورٹی اور UN کے ساتھ بھی ڈیوٹی سر انجام دے رہے ہیں۔ ڈپٹی کمانڈنٹ بلوچستان کانسٹیبلری لیفٹیننٹ کمانڈر (ر)عطا اللہ شاہ (پی ایس پی)نے کہا کہ بلوچستان کانسٹیبلری کے RRG اور ایلیٹ کوالیفائیڈ کے دستے کسی بھی وقت ہر قسم کے حالات سے نمٹنے کے لیے تیار رہتے ہیں۔

پولیو ڈیوٹی، ہائی کورٹ، ریڈ زون اور اہم سرکاری عمارات ، ایر پورٹس، اس کے علاوہ وفاقی و صوبائی اداروں کی سیکورٹی ڈیوٹیاں بلوچستان کا نسٹیبلری سر انجام دیتی ہے جس کی وجہ سے صوبہ بھر میں امن و امان قائم رہتا ہے۔ اس کے علاوہ ڈسٹرکٹ پولیس کو جب بھی جہان بھی ضرورت ہو تو بلوچستان کا نسٹیبلری ان کے ہمراہ لا اینڈ سرانہ ڈ آرڈر کی ڈیوٹی سر انجام دیتی ہے۔ آخر میں شیلڈ ز کا تبادلہ ہوا۔