Live Updates

گ*پنجاب حکومت کا صنعتی مزدوروں کیلئی84 ارب روپے کا راشن پیکج خوش آئند ہی: پیاف

۹حکومت مزدوروں کو بنیادی سہولیات کی فراہمی کو یقینی بنائے اور لیبر قوانین پر سختی سے عمل کروائی: چیئرمین پیاف -مزدور کسی بھی بزنس یا انڈسٹری میں ریڑھ کی ہڈی کی حیثیٹ رکھتا ہے انکے حقوق کو بھی اتنی ہی اہمیت دی جائی: فہیم الرحمان سہگل

بدھ 30 اپریل 2025 20:05

! لاہور (اُردو پوائنٹ اخبارتازہ ترین - آن لائن۔ 30 اپریل2025ء) چیئرمین پاکستان انڈسٹریل اینڈ ٹریڈرز ایسوسی ایشنز فرنٹ (پیاف) فہیم الرحمان سہگل نے سیئنر وائس چیئرمین نصراللہ مغل اور وائس چیئرمین پیاف طاہر منظور چودھری کے ہمراہ بیان جاری کرتے ہوئے کہا ہے کہ یکم مئی ہمیں ان لوگوں کی یاد دلاتا ہے جو ہماری صنعتوں، کاروبار اور ملکی معیشت کو بلندیوں تک لیکر جانے لئے اپنا خون پسینہ ایک کر دیتے ہیں۔

․مزدور کسی بھی بزنس یا انڈسٹری میں ریڑھ کی ہڈی کی حیثیٹ رکھتا ہے اسکی جان، مال، آبرو کی حفاظت بھی اس طرح ضروری ہے جس طرح باقی شہریوں کی ۔ حکومت کو چاہئے کے جس طرح دوسرے لوگوں کے مسائل کو ترجیح دے جاتی ہے اسی طرح مزدوروں کے حقوق کو بھی اتنی ہی اہمیت دی جائے۔اس تناظر میںپنجاب حکومت کا صنعتی مزدوروں کیلئی84 ارب روپے کا راشن پیکج خوش آئند ہے۔

(جاری ہے)

حکومت ورکرز کے لئے مختلف پراجیکٹس شروع کرنے جا رہی ہے جس سے مزدوروں اور ورکرز کا معیار زندگی بہتر ہو گا۔فہیم الرحمان سہگل نے کہا ملک میں غربت کا لیول 25 سے 40% ہونا باعث تشویش ہے، مزدور طبقہ غربت کی اوسط لکیر سے نیچے زندگی گزارنے پر مجبور ہیں۔ حکومت مزدوروں کو بنیادی سہولیات کی فراہمی کو یقینی بنائے اور حکومت لیبر قوانین پر سختی سے عمل کروائے۔ جس حساب سے مہنگائی میں اضافہ ہو رہا ہے مزدوروں کی تنخواہ بھی اسی تناسب سے بڑھائی جائے۔ فہیم الرحمان سہگل نے کہا کہ لیبر ڈے پر ہمیں عہد کرنا چاہیے کہ ہم اپنے ملازمین کے ساتھ اچھا سلوک کریں گے اور انکے تمام حقوق کا خیال رکھیں گے۔