Live Updates

پہلگام فالس فلیگ‘ بھارتی عوام مودی کی نفرت انگیز پالیسیوں سے دلبرداشتہ

جمعرات 1 مئی 2025 14:12

نئی دہلی (اُردو پوائنٹ اخبارتازہ ترین - این این آئی۔ 01 مئی2025ء)پہلگام فالس فلیگ آپریشن کے بعد بھارتی عوام مودی کی نفرت انگیز پالیسیوں سے دلبرداشتہ ہیں اور بھارت میں نفرت پھیلانے پر انہیں سخت تنقید کا نشانہ بنا رہے ہیں۔

(جاری ہے)

ذرائع کے مطابق بھارتی عوام میں مودی کیخلاف شدید غصے کی لہر ہے، بھارتی عوام اب نریندر مودی کے جھوٹے وعدوں اور نفرت انگیز سیاست کو سمجھ چکے ہیں، بھارتی عوام سر عام کہہ رہے ہیں کہ مودی صرف نفرت پھیلاتا ہے اور اس پر اب کوئی اعتبار نہیں رہا۔

رپورٹ کے مطابق بھارتی خاتون نے کہا کہ ہمیں مودی پر بالکل بھروسہ نہیں، مودی نے نفرت پھیلا پھیلا کر بھارت کی کیا حالت کر دی ہے۔بھارتی شہری نے کہا کہ چاہے سارا دیش تباہ ہو جائے، مودی کو پرواہ نہیں، ہم چاہتے ہیں مودی یہ نفرت کی ہوا بند کرے۔سیاسی تجزیہ کار نے کہا کہ مودی انتہا پسندی کو ہوا دے کر ہندوتوا کے سیاسی عزائم کو پورا کرنا چاہتا ہے۔