ساہیوال ۔ڈسٹرکٹ اینڈ سیشن جج کا سنٹرل جیل ساہیوال کا دورہ، معمولی جرائم میں ملوث 20قیدی رہا

جمعہ 2 مئی 2025 14:20

ساہیوال (اُردو پوائنٹ اخبارتازہ ترین - اے پی پی۔ 02 مئی2025ء) ڈسٹرکٹ اینڈ سیشن جج عرفان احمد سعید نے سنٹرل جیل ساہیوال کا دورہ کیا، سپرنٹنڈنٹ جیل نوید اشرف نے انکا استقبال کیا اور انہیں گارڈ آف آنر پیش کیا گیا۔ سینئر سول جج (کریمنل ڈویژن) محمد عارف خان نیازی اور مجسٹریٹ درجہ اول ساہیوال خواجہ مہد حسن بھی ان کے ہمراہ تھے۔

(جاری ہے)

انہوں نے خواتین وارڈ، جیل ہسپتال، نوعمر وارڈ، سنٹربارکوں، سزائے موت بلاکس کا دورہ کیا اور انتظامات کا جائزہ لیا۔

انہوں نے کچن اسیران میں کھانے کے معیار کو بھی چیک کیا۔ انہوں نے جیل انتظامیہ کی جانب سے اسیران کو فراہم کی جانے والی سہولیات پر اطمینان کا اظہار کیا۔ اس موقع پر ڈسٹرکٹ اینڈ سیشن جج عرفان احمد سعید نے معمولی جرائم میں ملوث20نفر اسیران کو فوری رہا کرنے کا حکم دیا۔\378