پراسرارخاتون کیساتھ شیکھر دھون کے تعلقات کی خبریں سچ ثابت ہوئیں

جمعہ 2 مئی 2025 22:38

ممبئی (اُردو پوائنٹ اخبارتازہ ترین - آن لائن۔ 02 مئی2025ء)آئی سی سی چیمپئینز ٹرافی 2025 کے دوران وائرل ویڈیوز میں پراسرا خاتون کیساتھ شہ سرخیوں میں جگہ بنانے والے سابق بھارتی کرکٹر شیکھر دھون کیساتھ تعلقات کی خبریں سچ ثابت ہوئیں۔بھارتی میڈیا کی رپورٹس کے مطابق چیمپئینز ٹرافی کے دوران وائرل ہوئی ویڈیوز و تصاویر میں نظر آنے والی خاتون کا نام سوفی شائن ہے، جنکا تعلق آئرلینڈ سے ہے۔

گزشتہ دنوں ایک پروگرام میں اینکر نے پوچھا تھا کہ کیا آپ کی کوئی گرل فرینڈ ہے اور انکا نام کیا ہی جس پر شیکھر دھون نے باضابطہ طور پر تصدیق کی ہے لیکن نام لینے سے انکار کردیا۔انکا کا کہنا تھا کہ کیمرے میں سب سے خوبصورت لڑکی میری گرل فرینڈ ہے، بعدازاں کیمرہ ایک ایسی خاتون پر فوکس کرتا ہے جو چیمپیئنز ٹرافی کے دوران شیکھر دھون کیساتھ بیٹھی وہی خاتون تھیں، جسکے ساتھ انکی ویڈیوز و تصاویر وائرل ہوئیں تھی۔

(جاری ہے)

تاہم اب شیکھر دھون نے انسٹاگرام پر ایک تصویر شیئر کی ہے جس میں انہوں نے سوفی شائن کو بھی ٹیگ کیا ہوا جبکہ کیپشن میں لکھا ہے دل کا ایموجی بنایا ہوا ہے۔دوسری جانب 39 سالہ دھون کو اکتوبر 2023 میں اپنی سابقہ بیوی عائشہ مکھرجی علیحدہ ہوگئے تھے تاہم انکا ایک بیٹا زوراور ہے جس کے ساتھ وہ اکثر ملاقات کرتے دکھائی دیتے ہیں۔