ٹاپ سیڈڈ مارسیلو اریوالو اور میٹ پاویک میڈرڈ اوپن ٹینس مینز ڈبلز سیمی فائنل میں داخل

ہفتہ 3 مئی 2025 13:05

میڈرڈ(اُردو پوائنٹ اخبارتازہ ترین - این این آئی۔ 03 مئی2025ء)ایل سلواڈور مارسیلو اریوالو اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی اے ٹی پی میڈرڈ اوپن ٹینس مینز ڈبلز سیمی فائنل رائونڈ میں پہنچ گئی۔ ٹاپ سیڈڈ مارسیلو اریوالو اور میٹ پاویک نے مردوں کے ڈبلز مقابلوں کے کوارٹر فائنل رائونڈ میچ میں کروشین ٹینس سٹار نکولا مکٹک اور ان کے نیوزی لینڈ کے جوڑی دار مائیکل وینس کو شکست دی۔

(جاری ہے)

اے ٹی پی کے زیر اہتمام میڈرڈ اوپن ٹینس ٹورنامنٹ کے دلچسپ مقابلوں کا سلسلہ جاری ہے۔ مردوں کے ڈبلز مقابلوں کے کوارٹر فائنل رائونڈ میچ میں ایل سلواڈور مارسیلو اریوالو اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی نے سخت مقابلے کے بعد کروشین ٹینس سٹار نکولا مکٹک اور ان کے نیوزی لینڈ کے جوڑی دار مائیکل وینس کو 7-6(7-5)،4-6 اور 5-10سے ہرا کر سیمی فائنل کے لئے کوالیفائی کر لیا،جہاں فاتح ٹاپ سیڈڈ جوڑی کا مقابلہ کرسچن ہیریسن اور ان کے ہم وطن امریکی جوڑی دار ایون کنگ پر مشتمل امریکی جوڑی سے ہوگا۔