جدہ پورٹ پر منشیات سمگل کرنے کی بڑی کوشش ناکام، 15 لاکھ نشہ آور گولیاں ضبط

ہفتہ 3 مئی 2025 09:00

جدہ (اُردو پوائنٹ اخبارتازہ ترین - اے پی پی۔ 03 مئی2025ء) سعودی عرب کی زکوۃ، ٹیکس اینڈ کسٹم اتھارٹی نے جدہ پورٹ پر منشیات سمگل کرنے کی بڑی کوشش ناکام بنادی۔

(جاری ہے)

ایس پی اے کے مطابق سعودی زکوۃ، ٹیکس اینڈ کسٹم اتھارٹی نے جنرل ٹائریکیٹوریٹ آف نارکوٹکس کنٹرول کے تعاون سے جدہ پورٹ پر ایک شپمنٹ میں چھپائی گئی 15 لاکھ 36 ہزار 118 کیپٹاگون کی گولیاں ضبط کرتے ہوئے تین افراد کو گرفتار کرلیا ہے۔

اتھارٹی نے کہا کہ انسولیٹنگ پینلز پر مشتمل شپمنٹ کا جدید سکیورٹی ٹیکنالوجی اور ڈیوائسز’ کا استعال کرتے ہوئے معائنہ کیا گیا جس پر پینلز کے اندر چھپائی گئی نشہ آور گولیاں برآمد ہوئیں۔ اتھارٹی نے ملکی درآمدات اور برآمدات پر کسٹم کنٹرول کو مضبوط بنانے، معاشرے کے تحفظ کو یقینی بنانے کے عزم کا اعادہ کیا ہے ۔