5 کپتانوں کو ایک کمرے میں بند کردیں پھر سپورٹ مانگیں، عمر اکمل کا انوکھا مشورہ

تیز کھیلا تو وقار یونس بولے تم نے ٹیسٹ ٹی ٹونٹی بنالیا، آئوٹ ہوا تو کہا اب تمہاری ٹی ٹونٹی کہاں گئی، میرے حوصلے پست ہوگئے : گفتگو

ذیشان مہتاب ہفتہ 3 مئی 2025 13:31

5 کپتانوں کو ایک کمرے میں بند کردیں پھر سپورٹ مانگیں، عمر اکمل کا انوکھا ..

کراچی (اردو پوائنٹ تازہ ترین اخبار ۔ 3 مئی 2025ء ) پاکستانی کرکٹر عمر اکمل نے کہا ہے کہ ٹیم میں پانچ کپتان تو میری آنکھوں کے سامنے تبدیل ہوگئے۔

نجی ٹی وی سے گفتگو کرتے ہوئے 34 سالہ عمر اکمل نے کہا کہ اگر شاہین آفریدی، بابر اعظم، محمد رضوان، آغا سلمان اور شاداب خان پلیئنگ الیون کا حصہ بن گئے تو کیا ٹیم اچھی کارکردگی دکھا سکے گی۔

انہوں نے کہا کہ ان پانچوں کو بند کمرے میں بٹھا دیں اور چیئرمین پی سی بی کہیں کہ آپ لوگوں نے کپتانی کرلی لیکن ڈیلیور نہیں کیا اب اس کی باری آپ سب نے اس کو سپورٹ کرنا ہے۔

(جاری ہے)

اس سے قبل انٹرویو میں عمر اکمل نے سابق ہیڈ کوچ وقار یونس سے اپنے اختلافات کے بارے میں دعوے کیے تھے۔

عمر اکمل نے کہا تھا کہ جہاں ٹیسٹ میچ میں سنچری بنانے کے بعد وقار یونس نے تعریف کرنے کے بجائے کہا کہ ’تم نے ٹیسٹ میں ٹی 20 کرکٹ کھیلنا شروع کردی ہے۔

ان کا کہنا تھا کہ دوسری اننگز میں جب جلدی آؤٹ ہوا تو وقار یونس کہنے لگے اب کہاں گئی تمہاری ٹی 20 کرکٹ، عمر اکمل کا کہنا تھا کہ اس طرح کے تبصروں نے نوجوان کھلاڑی طور پر ان کا حوصلہ پست کردیا۔