Live Updates

کیا بابراعظم کا اوپننگ سے دل بھر گیا ٹیم ڈائریکٹرنے وجہ بتادی

بابراعظم نے یونائیٹڈ کیخلاف میچ میں ون ڈاؤں پوزیشن بیٹنگ کی تھی

ہفتہ 3 مئی 2025 20:58

کیا بابراعظم کا اوپننگ سے دل بھر گیا ٹیم ڈائریکٹرنے وجہ بتادی

لاہور(اُردو پوائنٹ اخبارتازہ ترین - آن لائن۔ 03 مئی2025ء)پشاور زلمی کے ٹیم ڈائریکٹر کرکٹ انضمام الحق نے فرنچائز کپتان بابراعظم کی اسلام آباد یونائیٹڈ کیخلاف میچ میں اوپننگ نہ کرنے کی وجہ بتادی۔میچ کے اختتام پر لاہور میں میڈیا سے گفتگو کرتے ہوئے فرنچائز کے ٹیم ڈائریکٹر انضمام الحق نے بتایا کہ بابراعظم ورلڈ کلاس پلئیر ہیں اور انہوں نے خود اپنا نمبر تبدیل کیا ہے۔

انضمام الحق کا کہنا تھا کہ بابراعظم چاہتے تھے کہ مچل اوون اوپنر کھیلیں اور پاور ہٹنگ کریں تاکہ ٹیم کا اسکور بہتر بنایا جاسکے اور حریف ٹیم پر دباؤ بڑھایا جائے۔

(جاری ہے)

انہوں نے کہا کہ نوجوان بیٹر معاذ صداقت نے ڈیبیو میں عمدہ کھیل کا مظاہرہ کیا، وہ اوپنر ہیں لیکن مڈل آرڈر میں کھیلے جو قابل دید تھا۔واضح رہے کہ گزشتہ روز پاکستان سپر لیگ (پی ایس ایل) سیزن 10 کے 22ویں میچ میں پشاور زلمی نے اسلام آباد یونائیٹڈ کو 6 وکٹ سے شکست دی تھی۔

قذافی اسٹیڈیم لاہور میں کھیلے گئے میچ میں پشاور زلمی نے 144 رنز کا ہدف 17ویں اوورز میں حاصل کرلیا تھا، یہ پشاور زلمی کی ٹورنامنٹ میں تیسری فتح تھی۔اس میچ میں کپتان بابراعظم نے ون ڈاؤن پوزیشن پر آکر 49 گیندوں پر 53 کی ناقابل شکست اننگز کھیلی تھی اور ٹیم کو جیت سے ہمکنار کروایا تھا۔