القسام بریگیڈز نے دو اسرائیلی دھماکوں میں بچ جانے والے زخمی یرغمالی کی ویڈیو جاری کردی

قیدی ایک سرنگ کے اندر نمودار ہوا، سر پر پٹیاں بندھی تھیں اور اس کی ایک آنکھ پر خون کے نشانات تھے،رپورٹ

اتوار 4 مئی 2025 11:45

غزہ (اُردو پوائنٹ اخبارتازہ ترین - این این آئی۔ 04 مئی2025ء)حماس کے عسکری ونگ القسام بریگیڈز نے غزہ میں ایک سرنگ کے اندر موجود ایک اسرائیلی قیدی کی ویڈیو جاری کی ہے جس میں دعوی کیا گیا کہ وہ اپنے ٹھکانے پر ہونے والے فضائی حملے میں بچ گیا ہے۔ غیرملکی خبررساں ادارے کے مطابق القسام بریگیڈز نے ایک ویڈیو ریکارڈنگ نشر کی جس میں دکھایا گیا تھا کہ یہ غزہ کی پٹی میں اسرائیلی فوج کی بمباری والی سرنگ کے اندر سے اسرائیلی یرغمالیوں کو چھڑانے کی کارروائی تھی۔

ویڈیو میں موجود اس شخص نے اپنی شناخت نہیں کرائی اور یرغمالیوں کی فہرست میں صرف اپنا سیریل نمبر دیا لیکن اسرائیلی ویب سائٹ وائے نیٹ نے بتایا کہ وہ ڈونباس کا شہری میکسم خرکین تھا۔ انہوں نے مزید کہا کہ وہ غزہ پر حالیہ اسرائیلی بمباری میں زخمی ہوئے تھے۔

(جاری ہے)

یرغمالی نے بتایا کہ مارچ کے وسط میں غزہ کی پٹی میں دوبارہ فوجی آپریشن شروع ہونے کے بعد اس پر بمباری کی گئی اور وہ بچ گیا۔

بعد میں اسے ایک سرنگ میں حراست میں لے لیا گیا۔ اس پر بھی بمباری کی گئی لیکن وہ دوسری بار موت سے بچ گیا۔ انہوں نے کہا کہ میری حالت انتہائی مشکل ہے۔رجسٹریشن کہاں اور کب ہو گی اس بارے میں کوئی معلومات فراہم نہیں کی گئی۔ 5 اپریل کو حماس نے پہلی بار ویڈیو فوٹیج جاری کی جس میں بظاہر خرکین کو دکھایا گیا تھا۔ بعد ازاں ایک نوجوان جس کی شناخت اسرائیلی میڈیا نے اسرائیلی شہری کے طور پر کی نے ویڈیو ریکارڈنگ میں حصہ لیا۔