Live Updates

کپتانوں کو فون آتے تھے کہ عمر اکمل کو نہیں کھلانا، کرکٹر کا دعوی

اگر میں ابھی نام لینا شروع کردوں تو آپ کہیں گی کہ عمر بھائی بس کردیں : انٹرویو

ذیشان مہتاب اتوار 4 مئی 2025 14:38

کپتانوں کو فون آتے تھے کہ عمر اکمل کو نہیں کھلانا، کرکٹر کا دعوی

کراچی (اردو پوائنٹ تازہ ترین اخبار ۔ 4 مئی 2025ء ) قومی کرکٹر عمر اکمل نے دعویٰ کیا ہے کہ انھیں پاکستان ٹیم میں نہ کھلانے کیلیے فون کالز آتی تھی اور بیٹر کو کھلانے کیلیے منع کیا جاتا تھا۔

نجی چینل پر گفتگو کرتے ہوئے عمر اکمل نے بتایا کہ ایک کپتان تھا رضا علی ڈار، میں آپ کو اس کا نمبر بھی دے سکتا ہوں اور آپ خود کال کرکے تصدیق کرسکتے ہیں، انہیں کرکٹ بورڈ سے اوپر سے کال آتی تھی کہ عمر اکمل کو نہیں کھلانا ہے۔

عمر اکمل نے بتایا کہ تاہم اس کپتان نے میرے لیے اسٹینڈ لیا کہ میں اسے کیسے نہ کھلائوں، عمر اکمل جیسا بیٹر میں کیسے باہر بٹھائوں۔

سابق وکٹ کیپر کامران اکمل کے بھائی عمر نے زور دیتے ہوئے کہا کہ اگر میں ابھی نام لینا شروع کردوں تو آپ کہیں گی کہ عمر بھائی بس کردیں، آپ اتنی گہرائی میں چیزیں کیوں بتا رہے ہیں ،کرکٹ سے ہمارا دل کیوں اٹھا رہے ہیں۔

(جاری ہے)

عمر اکمل نے کہا کہ آپ حقیقت سن کر کہیں گے کہ ہمارا دل نہیں کرے گا کرکٹ دیکھنے کا کہ ماضی میں یہ ایک پلیئر کے ساتھ اس قدر پرسنل ہوئے ہیں۔

ماضی میں کوئٹہ گلیڈی ایٹر کی نمائندگی کرنے والے کرکٹر نے بتایا کہ جب سے اللہ تعالیٰ نے مجھے سرخرو کیا ہے اس کے بعد سے میرے ساتھ ایسے معاملات ہوئے ہیں۔

میزبان نے ان سے سوال کیا کہ دوران تین چار چیئرمین آئے ان میں سے کسی نے بھی آپ سے رابطہ کرنے کی کوشش نہیں کی، تو عمر اکمل کا کہنا تھا کہ میں آپ کو بتا رہا ہوں کہ انھوں نے میرے ساتھ کیا ہی ایسا ہے کہ کپتانوں کو کہا جاتا تھا کہ اسے نہ لیں۔