راولپنڈی میں ایک مرتبہ پھر واٹر ایمرجنسی نافذ

خانپور ڈیم میں صرف ایک ماہ کا پانی کا ذخیرہ رہ گیا

اتوار 4 مئی 2025 15:40

راولپنڈی (اُردو پوائنٹ اخبارتازہ ترین - این این آئی۔ 04 مئی2025ء)راولپنڈی میں ایک مرتبہ پھر واٹر ایمرجنسی نافذ کردی گئی۔واسا نے رواں سال فروری میں بھی ڈراوٹ ایمرجنسی نافذ کی تھی۔خانپور ڈیم میں صرف ایک ماہ کا پانی کا ذخیرہ رہ گیا۔ایم ڈی واسا محمد سلیم اشرف کے مطابق راول ڈیم میں پانی کا ذخیرہ صرف 3 ماہ کا رہ گیا ہے پانی کی طلب اور رسد ان دنوں شدید متاثر ہے،کم بارشوں کے باعث زیر زمین پانی کی سطح میں کوئی بہتری نہیں آئی۔

(جاری ہے)

ایم ڈی واسا کے مطابق زیر زمین پانی کی سطح ساڑھے 6 سو فٹ تک چلی گئی ہیبارشیں نہ ہوئی تو جڑواں شہروں میں پانی کا مسئلہ سنگیں ہوسکتا ہے، اس وقت راولپنڈی میں پانی کی طلب 5 کروڈ گیلن یومیہ سے زائد ہے جبکہ راولپنڈی کو دستیاب پانی 3 کروڈ گیلن یومیہ ہے۔ایم ڈی واسا کے مطابق پانی کی کمی کو ٹیوب ویلز اور دیگر ذرائع سے پوری کرتے ہیں،آبادی میں مسلسل اضافہ اور کمرشل سرگرمیوں سے پانی کی ذخائر کم ہورہے ہیں۔ایم ڈی واسا کے مطابق کم بارشوں کے باعث دستیاب پانی کی تقسیم مشکل ہے اس لیے پانی کے غیر ضروری استعمال پر اب مقدمات کا اندراج کرینگے۔ایم ڈی واسا نے شہریوں سے اپیل ہے پانی کی بچت کریں اور واسا کے ساتھ تعاون کریں۔