Live Updates

بوکھلاہٹ کے شکاربھارت نے عابدہ پروین کا انسٹاگرام اکانٹ بھی بلاک کردیا

عابدہ پروین کے بھارت سمیت دنیا کے کئی ممالک میں بڑی تعداد میں مداح موجود ہیں

پیر 5 مئی 2025 11:33

بوکھلاہٹ کے شکاربھارت نے عابدہ پروین کا انسٹاگرام اکانٹ بھی بلاک کردیا

لاہور (اُردو پوائنٹ اخبارتازہ ترین - این این آئی۔ 05 مئی2025ء)پاکستان کی ممتاز صوفی گلوکارہ عابدہ پروین کا انسٹاگرام اکانٹ بھارت میں بلاک کر دیا گیا ہے۔گلوکارہ عابدہ پروین کے بھارتی مداح جب ان کا انسٹاگرام پروفائل دیکھنے کی کوشش کرتے ہیں تو ایک نوٹس ظاہر ہوتا ہے جس میں کہا گیا ہے کہ یہ اکانٹ قانونی درخواست کے تحت بھارت میں دستیاب نہیں ہے۔

(جاری ہے)

تاہم اگر بھارتی صارفین وی پی این کا استعمال کریں تو بلاک فنکاروں کے اکانٹس تک رسائی ممکن ہوجاتی ہے۔واضح رہے کہ یہ اقدام بھارت میں حالیہ پہلگام حملے کے بعد پاکستان اور پاکستان کے عوام خاص طور پر اہم اور مشہور شخصیات کیخلاف بڑھتی ہوئی پابندیوں کا نتیجہ ہے۔ اس سے قبل کئی مشہور پاکستانی شخصیات کے سوشل میڈیا اکانٹس کو بلاک کیا جاچکا ہے۔یاد رہے کہ عابدہ پروین کے بھارت سمیت دنیا کے کئی ممالک میں بڑی تعداد میں مداح موجود ہیں جو بھارت کے اس اقدام کی سختی سے مذمت کر رہے ہیں۔