Live Updates

بھارت اور جنوبی افریقا کی خواتین ٹیموں کے درمیان سہ ملکی سیریز کا پانچواں میچ (بدھ کو ) کھیلا جائے گا

منگل 6 مئی 2025 08:50

کولمبو (اُردو پوائنٹ اخبارتازہ ترین - اے پی پی۔ 06 مئی2025ء) بھارت اور جنوبی افریقا کی خواتین کرکٹ ٹیموں کے درمیان سہ ملکی سیریز کا پانچواں میچ کل (بدھ کو) کھیلا جائے گا۔ یہ میچ آرپریماداسا سٹیڈیم، کولمبو میں کھیلا جائے گا اور صبح 9 بجکر 30 منٹ پر شروع ہوگا۔سہ ملکی سیریز میں میزبان سیر لنکا ،بھارت اور جنوبی افریقا کی خواتین ٹیمیں پنجہ آزما ہیں ۔

بھارتی ویمنز ٹیم نے سہ ملکی سیریز کا اپنا پہلا میچ میزبان سری لنکن خواتین ٹیم سے 9 وکٹو ں سے جیت لیا تھا جبکہ دوسرا میچ جنوبی افریقا سے 15 رنز سے جیتا تھا۔

(جاری ہے)

سہ ملکی سیریز کا پانچواں میچ جنوبی افریقا اور بھارت کی خواتین ٹیموں کے درمیان 7مئی کو آر پریما داسا سٹیڈیم،کولمبو میں کھیلا جائے گا۔ سہ ملکی سیریز کاچھٹا میچ 9 مئی کو میزبان سری لنکا اور جنوبی افریقا کی ویمنز ٹیموں کے درمیان کھیلا جائے گا جبکہ تین ملکی سیریز کا فائنل میچ 11 مئی کو کھیلا جائے گا۔

سہ ملکی سیریز میں ہر ٹیم ایک دوسرے کے خلاف چار ،چارمیچز کھیلے گی جس میں سرفہرست دو ٹیمیں فائنل کے لیے کوالیفائی کریں گی۔تین ملکی سیریز کے فائنل سمیت تمام میچز آر پریما داسا سٹیڈیم،کولمبو میں کھیلے جائیں گے اور صبح 9 بجکر 30 منٹ پر شروع ہوں گے ۔ \932