اڈیالہ جیل کے باہر پنجاب پولیس کا عامر ڈوگر پر تشدد

پولیس اہلکاروں نے پی ٹی آئی ایم این اے عامر ڈوگر پر ڈنڈوں سے تشدد کیا، کپڑے بھی پھاڑ دیے

محمد علی منگل 6 مئی 2025 19:03

راولپنڈی (اُردو پوائنٹ اخبارتازہ ترین۔ 06 مئی2025ء) اڈیالہ جیل کے باہر پنجاب پولیس کا عامر ڈوگر پر تشدد، پولیس اہلکاروں نے پی ٹی آئی ایم این اے عامر ڈوگر پر ڈنڈوں سے تشدد کیا، کپڑے بھی پھاڑ دیے۔ تفصیلات کے مطابق منگل کے روز اڈیالہ جیل کے قریب گورکھپور ناکے پر پی ٹی آئی کے رہنما عمر ایوب اور پولیس میں جھڑپ ہوئی، پولیس کی جانب سے عمر ایوب اور دیگر پی ٹی آئی قیادت کو دھکے دیے گئے۔

پولیس نے پی ٹی آئی کے چیف وہپ عامر ڈوگر پر تشدد کرتے ہوئے انہیں ڈنڈا مارا اور کپڑے پھاڑ دیے۔ عامر ڈوگر نے کہا کہ یہ پولیس گردی اور غنڈہ گردی کی انتہا ہے، میں ممبر قومی اسمبلی ہوں یہ دیکھیں کیا ہورہا ہے، قصور ہمارا یہ ہے انکو تکلیف ہے ہم اڈیالہ جیل کے قریب بیٹھے ہیں۔ اس سے قبل گورکھ پور ناکے پر پی ٹی آئی کارکنوں نے پولیس حصار توڑنے کی کوشش کی، کارکنوں اور پولیس کے درمیان شدید دھکم پیل ہوئی۔

(جاری ہے)

پولیس اہلکاروں نے کارکنوں کو جیل کی جانب جانے سے روک دیا، علیمہ خان نے کارکنوں کو حکم دیا تھا ہم پیدل جیل تک جائیں گے۔ پولیس کی اضافی نفری طلب کرلی گی، علیمہ خان اور فیملی کے دیگر افراد بھی دھکم پیل کا شکار ہوئے۔ بعد ازاں اس حوالے سے اپنے ردعمل میں تحریک انصاف خیبرپختونخواہ کے صدر جنید اکبر خان نے کہا کہ پنجاب پولیس نے سہیل آفریدی، شاہ احد ، شاہد خٹک ، مینا خان آفریدی ، صاحبزادہ محمد حامد رضا ، سمیت ہمارے خیبر پختونخواہ کی منتخب ارکین اسمبلی و قیادت کو گریبان سے پکڑا، زمین پر گرایا اور گھسیٹا، یہ سلوک ہمیں ہمیشہ یاد رہے گا۔

اس وقت ملک کو اتحاد اور اتفاق کی ضرورت ہے مگر ریاست اور پنجاپ حکومت کا یہ روایہ ناقابل برداشت ہے اس سے نفرتیں اور دوریاں مزید بڑے گی۔