ڈسٹرکٹ پولیس آفیسر سیالکوٹ کا گورنمنٹ ٹیکنیکل کالج گراؤنڈ، تھانہ مراد پور میں کھلی کچہری کا انعقاد

منگل 6 مئی 2025 20:10

سیالکوٹ (اُردو پوائنٹ اخبارتازہ ترین - اے پی پی۔ 06 مئی2025ء) ڈسٹرکٹ پولیس آفیسر سیالکوٹ فیصل شہزاد نے گورنمنٹ ٹیکنیکل کالج گراؤنڈ، تھانہ مراد پور میں کھلی کچہری کا انعقاد کیا اور شہریوں کے مسائل سن کر ازالہ کیلئے احکامات جاری کیے۔

(جاری ہے)

ترجمان سیالکوٹ پولیس کے مطابق ڈی پی او سیالکوٹ نے روزانہ کی بنیاد پر منعقد ہونے والی کھلی کچہری میں عوامی مسائل اور شکایات سنیں اور موقع پر ہی ان کے فوری حل کے احکامات بھی جاری کئے ۔ انہوں نے کہا کہ کھلی کچہری کا مقصد انصاف شہریوں کی دہلیز پر فراہم کرنا ہے۔انہوں نے مزیدکہا کہ سیالکوٹ پولیس عوام کی خدمت اور تحفظ کے لیے دن رات مصروف ہے، عوام کی شکایات کا ترجیحی بنیادوں پر ازالہ کیا جائے گا۔