اگست یوم آزادی پرگورنرسندھ کامران خان ٹیسوری کا پیغام

بدھ 13 اگست 2025 22:02

کراچی (اُردو پوائنٹ اخبارتازہ ترین - این این آئی۔ 13 اگست2025ء)گورنر سندھ کامران خان ٹیسوری نے 14 اگست یوم آزادی پر اپنے پیغام میں کہا ہے کہ پوری قوم کو یوم آزادی بہت بہت مبارک ہو۔ یوم آزادی اتحاد، قربانی اور عزمِ نو کی یاد دہانی ہے۔ پاکستان کی بقا ہمارے اتحاد اور محنت میں ہے۔ انہوں نے مزید کہا کہ 10 مئی معرکہ حق میں بھارت کو بدترین شکست پر امسال جشن آزادی بڑی دھوم دھام سے منائی جا رہی ہے۔

(جاری ہے)

انہوں نے کہا کہ مہاجر، پنجابی، سندھی، پختون، بلوچ سب ایک پرچم تلے متحد ہیں۔ آزادی کی حفاظت ایمان، قربانی اور یکجہتی سے ممکن ہے۔ یوم آزادی اس عہد کی تجدید ہے کہ پاکستان کو دنیا کا مضبوط ترین ملک بنائیں گے۔ انہوں نے کہا کہ نوجوان پاکستان کا قیمتی سرمایہ ہیں، ترقی کا سفر انہی کے ہاتھوں مکمل ہوگا۔ انہوں نے کہا کہ قائد اعظم کا پاکستان عدل، مساوات اور محنت کا پاکستان ہے۔ 14 اگست ہمیں یاد دلاتا ہے کہ قربانیاں رائیگاں نہیں جاتیں۔

Facebook Twitter Google + Share on Whatsapp

اگست یوم آزادی پرگورنرسندھ کامران خان ٹیسوری کا پیغام

متعلقہ عنوان :

مزید قومی خبریں