فیصل آباد سمیت ملک بھر میں لیوپس کا عالمی دن 10مئی کو منایا جائے گا

جمعہ 9 مئی 2025 14:30

فیصل آباد (اُردو پوائنٹ اخبارتازہ ترین - اے پی پی۔ 09 مئی2025ء) فیصل آباد سمیت ملک بھر میں لیوپس کا عالمی دن 10مئی کو منایا جائے گا۔ڈسٹرکٹ ہیلتھ اتھارٹی فیصل آباد کے ترجمان نے بتایا کہ ورلڈ لیوپس ڈے پہلی بار 10مئی 2004 کومنایا گیا تھا جس کے بعدپاکستان سمیت اقوام متحدہ کے 170سے زائد رکن ممالک میں یہ دن ہر سال 10مئی کو منایا جاتا ہے۔

(جاری ہے)

انہوں نے بتا یا کہ ورلڈ لیوپس ڈے کے موقع پر عوام کو مذکورہ بیماری کے پھیلاؤ کی وجوہات، ابتدائی علامات، ظاہری وجوہات، ماحولیات، تشخیص، علاج معالجہ، پرہیز، تدارکی اقدامات سے کروایا جائے گاتاکہ اس بیماری کو مزید پھیلنے سے روکا جا سکے۔

انہوں نے بتا یا کہ اس دن نہ صرف اس بیماری بارے عوام کو آگاہی فراہم کی جائے گی بلکہ اس بیماری میں مبتلا مریضوں کے لئے ہیلتھ کیئر سروس، اس بیماری پر ہونے والی ایڈوانس ریسرچ، مذکورہ بیماری کے خاتمہ کے لئے ہونے والی تحقیق کے بھی تمام امور کا جائزہ یقینی بنایا جائے گا۔انہوں نے بتا یا کہ یہ بیماری متاثرہ شخص اس کے اہل خانہ، عزیز وا قارب اور دوست احباب کو بھی متاثر کر سکتی ہے۔انہوں نے بتا یا کہ لیوپس کے عالمی دن پر ہیلتھ پروفیشنلز عوام کو لیوپس کے بارے میں اہم امور سے بھی آگاہ کریں گے۔