حج کیلئے روانہ انڈونیشین خاتون مدینہ جاتے ہوئے انتقال کرگئی

خاتون کے جہاز میں انتقال کے بعد کی ویڈیو بھی سعودی میڈیا کے سوشل میڈیا پر شیئر

جمعہ 9 مئی 2025 16:28

جکارتہ (اُردو پوائنٹ اخبارتازہ ترین - این این آئی۔ 09 مئی2025ء)انڈونیشیا سے شوہر کے ساتھ حج کیلئے روانہ خاتون سعودی عرب لینڈنگ سے قبل ہی انتقال کرگئی۔غیر ملکی خبر رساں ادارے کے مطابق 65 سالہ خاتون کا تعلق انڈونیشیا کے وسطی صوبے جاوا سے ہے ، خاتون مدینہ جانیوالی پرواز میں موجود تھیں جس دوران خاتون نے چکر آنے کی شکایت کی اورپھر گر کر انتقال کرگئیں۔

(جاری ہے)

میڈیارپورٹس کے مطابق خاتون کے جہاز میں انتقال کے بعد کی ویڈیو بھی سعودی میڈیا کے سوشل میڈیا پر شیئر کی گئی ہے جس میں پرواز کے ایک کونے میں جنازے کو دیکھا جاسکتا ہے۔خاتون کا انتقال 3مئی کے روز ر دوپہر 3بج کر12منٹ پر ہوا جب کہ خاتون کی شناخت 65سالہ دائمہ کے نام سے ہوئی ہے۔خاتون کے شوہر نے انتظامیہ کو بتایا کہ دائمہ دوران پرواز اچھی بھلی تھی اور اس نے کبھی بھی کسی تکلیف کی کوئی شکایت تک نہیں کی تھی، جہاز لینڈنگ سے قبل دائمہ نے واش روم جانے کا کہا ، باہر آنے کے بعد اس نے چکر آنیکی شکایت کی جس کے بعد وہ اچانک گرپڑی، دائمہ کو فوری طور پر طبی امداد دی گئی لیکن اسے بچایا نہ جاسکا۔