بغیر پرمٹ 35 افراد کر مکہ منتقل کرنے پر خاتون گرفتار

اتوار 11 مئی 2025 08:50

مکہ مکرمہ (اُردو پوائنٹ اخبارتازہ ترین - اے پی پی۔ 11 مئی2025ء) سعودی عرب کے دارالحکومت ریاض میں جعلی حج مہم چلانے کے الزام میں ایک غیرملکی خاتون جبکہ 35 غیرملکیوں کو مکہ لے جانے والے ایک غیرملکی کو گرفتار کرلیا گیا۔

(جاری ہے)

ایس پی اے،کے مطابق سعودی وزارت داخلہ کی جانب سے جاری بیان میں کہا گیا ہے کہ ریاض میں ایک مصری خاتون کو حراست میں لیا گیا جو سوشل میڈیا پر حج سروسز فراہم کرنے کا دعوی کررہی تھی۔

ملزمہ نے سوشل میڈیا پر اشتہار دیے جس میں دعوی کیا گیا تھا کہ وہ ارزاں قیمت پر حج سروس فراہم کرنے کی صلاحیت رکھتی ہے جس میں حج پرمٹ کا حصول شامل ہے۔قانون نافذ کرنے والے اداروں کی ٹیموں نے ملزمہ کا سراغ لگا کر اسے حراست میں لے لیا۔وزارت داخلہ نے جعل سازی اور ضوابط کی خلاف ورزی کرنے پر مقدمہ دائر کرکے اسے پراسیکیوشن کے سپرد کردیا۔