متحدہ عرب امارات کے الضفرہ ایئربیس پر سعودی عرب اور دیگر دوست و برادر ممالک کی مشترکہ فضائی مشقیں اختتام پذیر

اتوار 11 مئی 2025 09:00

دبئی (اُردو پوائنٹ اخبارتازہ ترین - اے پی پی۔ 11 مئی2025ء) متحدہ عرب امارات کے الضفرہ ایئربیس پر سعودی عرب اور دیگر دوست و برادر ممالک کی مشترکہ فضائی مشقیں’ڈیزرٹ فلیگ 2025 ‘ اختتام پذیر ہو گئیں۔

(جاری ہے)

ایس پی اے،کے مطابق مشترکہ مشقوں کے اختتام پر فضائی گروپ کے کمانڈر لیفٹیننٹ کرنل فیصل المروانی نے میڈیا سے گفتگو میں بتایا کہ مشقوں کا مقصد بدلتے حالات کے تقاضوں کو مدنظر رکھتے ہوئے آپریشنل پلان ترتیب دینا اور عصرِ حاضر کے مطابق اپنی فورسز کو تیار کرنا ہے تاکہ جوان کیسے بھی حالات کے لیے خود کو تیار رکھیں۔

انہوں نے مزید کہا کہ مشقوں کے شروع ہونے سے قبل جو اہداف مقرر کیے گئے تھے انہیں حاصل کیا گیا جن میں فضائیہ کے گراونڈ کنٹرول یونٹ کے علاوہ ٹیکنیکل سپورٹ اور دیگر یونٹس میں باہمی تعاون کو منظم کرنا شامل تھا۔