متحدہ عرب امارات میں سوڈانی شہریوں کو اقامہ اور ویزا جرمانے سے استثنی دینے کا اعلان

پیر 12 مئی 2025 08:40

دبئی (اُردو پوائنٹ اخبارتازہ ترین - اے پی پی۔ 12 مئی2025ء) متحدہ عرب امارات نے سوڈانی شہریوں کو اقامے یا ویزے کے واجب الاد جرمانے کی ادائیگی سے استثنی دینے کا اعلان کیا ہے۔وام کے مطابق وفاقی اتھارٹی برائے شہریت، شناخت، کسٹمز، پورٹ سکیورٹی کا کہنا ہے یہ فیصلہ امارات کے برادر ملکوں کی مدد اور بحرانوں کے دوران انسانی امداد کی فراہمی کے عزم سے مطابقت رکھتا ہے۔

بیان میں کہا گیا کہ یہ فیصلہ 19 مئی سے نافذ العمل ہوگا اور 2025 کے اختتام تک برقرار رہے گا۔

(جاری ہے)

ایسے سوڈانی شہری جن پر جرمانے ہیں وہ اپنی حیثیت کو باقاعدہ بنا سکتے ہیں۔ اتھارٹی کے سرکاری ڈیجیٹل پلیٹ فارم کے ذریعے تجدید کی درخواستیں جمع کرا سکتے ہیں۔ کوئی بھی جرمانہ معاف کردیا جائے گا۔واضح رہے اس سے قبل دبئی کی حکومت کی جانب سے گزشتہ برس ایسے غیرملکی جن کے اقامے ایکسپائر تھے انہیں اصلاح حال کے لیے مہلت دی گئی تھی۔غیرقانونی طور پر مقیم تارکین کو کسی سپانسر کو تلاش کرکے اپنے اقامے اور ورک پرمٹ کی تجدید بغیرکسی جرمانے اور اضافی فیس کے کرانے کی اجازت دی گئی۔