کراچی، شہر میں دو مبینہ پولیس مقابلوں میں ایک ڈاکو ہلاک، 4 گرفتار

ہلاک ڈاکو کی شناخت مظفر علی مگسی جبکہ زخمی ملزم کی شناخت اعجاز کے نام سے ہوئی ہے‘ پولیس

جمعرات 15 مئی 2025 14:43

کراچی(اُردو پوائنٹ اخبارتازہ ترین - این این آئی۔ 15 مئی2025ء)شہر قائد میں دو مبینہ پولیس مقابلوں کے دوران ایک ڈاکو ہلاک، جبکہ چار کو گرفتار کر لیا گیا۔پہلا واقعہ شمالی کراچی کے علاقے شادمان ٹاؤن، شارع نور جہاں تھانے کی حدود میں پیش آیا، جہاں مبینہ پولیس مقابلے میں ایک ڈاکو ہلاک اور دوسرا زخمی حالت میں گرفتار کیا گیا۔پولیس کے مطابق ہلاک ڈاکو کی شناخت مظفر علی مگسی جبکہ زخمی ملزم کی شناخت اعجاز کے نام سے ہوئی ہے۔

(جاری ہے)

پولیس نے ملزمان کے قبضے سے اسلحہ، موبائل فونز اور موٹرسائیکل برآمد کر لی ہے۔دوسرا مقابلہ سرجانی ٹاو?ن کے بھینس کالونی روڈ پر پیش آیا، جہاں مبینہ پولیس مقابلے کے بعد دو زخمی سمیت تین ملزمان کو گرفتار کیا گیا.زخمی ملزمان کو عباسی شہید اسپتال منتقل کیا گیا، جہاں ان کی شناخت محمد عظیم اور جاوید کے نام سے ہوئی، جبکہ تیسرے ملزم نے اپنا نام بلال احمد بتایا۔پولیس کے مطابق گرفتار ملزمان کے قبضے سے دو پستولیں، آٹھ چھینے گئے موبائل فون اور ایک موٹرسائیکل برآمد ہوئی ہے۔پولیس کا کہنا ہے کہ تمام گرفتار ملزمان سے مزید تفتیش جاری ہے اور ان کے کریمنل ریکارڈ کی بھی جانچ کی جا رہی ہے۔