Live Updates

ایس ای سی پی کے الیکٹرانک مارگیج رجسٹر میں بہتری لا کر شفافیت بڑھانے اور لاگت کم کرنے کے اقدامات

جمعرات 15 مئی 2025 22:20

اسلام آباد (اُردو پوائنٹ اخبارتازہ ترین - اے پی پی۔ 15 مئی2025ء) پاکستان میں مالیاتی شفافیت کو فروغ دینے اور کاروباری لاگت کو کم کرنے کے لئے سکیورٹیز اینڈ ایکسچینج کمیشن آف پاکستان (ایس ای سی پی) نے اپنے الیکٹرانک مارگیج رجسٹر (ای ایم آر ) میں نمایاں بہتری کی ہے۔ان تبدیلیوں کا مقصد محفوظ قرضوں کی معاونت، کریڈٹ تک رسائی کو بہتر بنانا اور کاروباری اداروں اور مالیاتی اداروں کے لئے زیادہ مؤثر ریگولیٹری ماحول فراہم کرنا ہے۔

ایس ای سی پی سے جاری پریس ریلیز کے مطابق سسٹم کی جانے والی بہتریوں میں ای ایم آر کی رسائی فیس کو15ہزار روپے سے کم کرکے 3ہزار روپے کردیا گیا ہے جس سے بینکوں اور مالیاتی اداروں کے لئے مارگیج سے متعلق معلومات کا اندراج اور مشاہدہ زیادہ آسان اور کم خرچ ہو گیا ہے،ہر رجسٹرڈ کمپنی کے لئے رسائی کی مدت کو 30 دن سے بڑھا کر 90 دن کردیا گیا ہے۔

(جاری ہے)

اس سے صارفین کو مزید لچک اور سہولت میسر آئے گی جس کے تحت وہ بغیر اضافی اخراجات یا بار بار رسمی کارروائیوں کے مارگیج ریکارڈز تک رسائی حاصل کر سکیں گے، شامل ہیں۔یہ بہتریاں عمل کو آسان بنانے، انتظامی بوجھ کو کم کرنے اور محفوظ لین دین میں زیادہ شفافیت پیدا کرنے کے لئے متعارف کرائی گئی ہیں۔ اپ گریڈ شدہ ای ایم آر سسٹم کو تکنیکی بہتری اور جامع یوزر ایکسپٹنس ٹیسٹنگ کے بعد باضابطہ طور پر فعال کر دیا گیا ہے۔ پاکستان کے مالیاتی ڈھانچے کو مضبوط بنانے کے لئے پرعزم ہے اور مزید اصلاحات، کارکردگی میں اضافہ اور صارفین پر مرکوز بہتریاں متعارف کرانے کے لیے اسٹیک ہولڈرز کے ساتھ مسلسل رابطے میں رہے گا۔