لاہور پولیس جوئے کے اڈوں اور آن لائن گیمبلنگ میں ملوث قانون شکن عناصر کی سرکوبی کیلئے سر گرم

ہفتہ 17 مئی 2025 18:28

لاہور (اُردو پوائنٹ اخبارتازہ ترین - آن لائن۔ 17 مئی2025ء) لاہور پولیس جوئے کے اڈوں اور آن لائن گیمبلنگ میں ملوث قانون شکن عناصر کی سرکوبی کیلئے سر گرم ِ عمل ہے۔اس ضمن میں رواں سال جوئے کے خلاف کارروائیوں میں 1518ملزمان کوگرفتارکر کے مختلف تھانوں میں 383مقدمات کا اندرج کیا گیا ہے۔یہ بات ترجمان لاہور پولیس نے آج یہاں جاری اپنے بیان میں کہی۔

جوئے کے خلاف مختلف کارروائیوں میں گرفتار ملزمان سی80لاکھ86ہزار روپے سے زائد رقم برآمدکی گئی ہے۔سی سی پی اوبلال صدیق کمیانہ نے کہا کہ جوئے کے خاتمے کیلئے کارروائیاں جاری ہیں۔

(جاری ہے)

سی سی پی او لاہور نے پولیس افسران کو جوئے کے اڈوں کے خلاف کریک ڈاؤن مزید تیز کرنے کے احکامات جاری کرتے ہوئے کہا کہ جوئے کے اڈے چلانے والے بااثر افرادکے خلاف بلا امتیاز کارروائیاں عمل میں لائی جائیں۔

انہوں نے ہدایات جاری کرتے ہوئے کہا کہ آن لائن گیمبلنگ میں ملوث عناصر کے گرد گھیرا تنگ کیا جائے۔بلال صدیق کمیانہ نے کہا کہ آن لائن جوئے کی روک تھام کیلئے انفارمیشن ٹیکنالوجی سے بھر پور مدد لی جائے۔انہوں نے کہا کہ جوئے کی ترغیب دینے والے سوشل میڈیا اکاؤنٹس پر بھی نظر رکھی جائے۔انہوں نے مزید کہا کہ جوئے میں ملوث سماج دشمن عناصرکو کیفر کردار تک پہنچایا جائے گا۔