دیربالا،کوچ سے ٹکرانے کے بعد کار مسافروں سمیت دریا میں بہہ گئی، ویڈیو وائرل

ریسکیو اداروں نے ڈوبنے والوں کی تلاش شروع کردی، حادثے میں زخمی ہونے والے افراد ہسپتال منتقل

ہفتہ 17 مئی 2025 22:07

دیربالا(اُردو پوائنٹ اخبارتازہ ترین - این این آئی۔ 17 مئی2025ء)کوچ سے تصادم کے بعد کار مسافروں سمیت دریا میں بہہ گئی ،امدادی ٹیموں نے ڈوبنے والوں کی تلاش شروع کردی ہے۔

(جاری ہے)

ذرائع کے مطابق دیربالا کے علاقے میں چرکوم کے مقام پر فلائنگ کوچ اور کار میں تصادم کے بعد کار مسافروں سمیت دریائے پنجکوڑہ میں جاگری اور مسافروں سمیت بہتے ہوئے دریا میں لاپتا ہوگئی۔واقعے کی اطلاع ملتے ہی ریسکیو اور دیگر فلاحی اداروں کی ٹیمیں جائے وقوع پر پہنچیں اور ڈوبنے والی گاڑی اور اس کے مسافروں کی تلاش شروع کیکار اور کوچ میں تصادم کے نتیجے میں زخمی ہونے والے 6 افراد کو فوری طور پر طبی امداد کے لیے اسپتال منتقل کردیا گیا ہے۔