قومی اسمبلی کا اجلاس یکم ستمبر کو طلب، صدرمملکت نے منظوری دے دی

جمعہ 29 اگست 2025 22:39

اسلام آباد (اُردو پوائنٹ اخبارتازہ ترین - آن لائن۔ 29 اگست2025ء) صدر مملکت آصف علی زرداری نے قومی اسمبلی اجلاس کی منظوری دے دی۔ایوان صدر کے مطابق قومی اسمبلی اجلاس یکم ستمبر کو شام 5 بجے طلب کیا گیا ہے، اسمبلی اجلاس میں اہم قومی امور زیر غور آئیں گے۔

(جاری ہے)

صدر مملکت نے اجلاس وزیراعظم شہباز شریف کی ایڈوائس پر طلب کیا ہے۔یاد رہے کہ سپیکر قومی اسمبلی نے ربیع الاول کو بھرپور انداز میں منانے کی ہدایت جاری کی ہیں، قومی اسمبلی اجلاس میں ارکان اسمبلی ربیع الاول پر خصوصی تقاریر کریں گے، پارلیمنٹ ہاو س میں خطاطی کے فن پاروں کی نمائش کا انعقاد بھی کیا جائے گا، نبی پاکﷺکی ذات اقدس پر ایوان سے قرارداد بھی منظور کرائی جائے گی۔