کوہستان کرپشن سکینڈل، نیب کی ملزمان کے اثاثے منجمد کرنے کیلئے 6درخواستیں دائر

ہفتہ 17 مئی 2025 22:08

کوہستان (اُردو پوائنٹ اخبارتازہ ترین - این این آئی۔ 17 مئی2025ء)کوہستان کرپشن سکینڈل کے معاملے پر نیب نے ملزمان کے اثاثے منجمد کرنے کیلئے احتساب عدالت میں 6 درخواستیں دائر کر دیں۔نیب پراسیکیوٹر نے عدالت میں بتایا کہ نیب خیبر پختونخوا کوہستان اسکینڈل کی انکوائری کر رہا ہے۔

(جاری ہے)

نیب پراسیکیوٹر نے بتایا کہ سکینڈل میں ملوث ملزمان کے منقولہ اور غیرمنقولہ اثاثے سامنے آرہے ہیں۔ڈی جی نیب کے پی نے ملزمان کے اثاثے منجمد کرنے کا حکم دیا ہے اور نیب قانون کے مطابق عدالت سے نیب کے احکامات کی توثیق ضروری ہے۔نیب پراسیکیوٹر نے بتایا کہ کوہستان مالیاتی سکینڈل میں قومی خزانے کو 40ارب روپے کا نقصان پہنچایا گیا ہے۔