امریکا، لاس ویگاس کے جِم میں فائرنگ سے 2افراد ہلاک

مشتبہ حملہ آور کو زخمی حالت میں مقامی ہسپتال منتقل کیا گیا جہاں وہ جانبر نہ ہو سکا،پولیس

ہفتہ 17 مئی 2025 22:46

واشنگٹن (اُردو پوائنٹ اخبارتازہ ترین - این این آئی۔ 17 مئی2025ء)امریکا کے شہر لاس ویگاس کے جِم میں فائرنگ سے 2افراد ہلاک اورتین زخمی ہو گئے ۔عرب ٹی وی کے مطابق لاس ویگاس میٹروپولیٹن پولیس کے شیرف اینڈریو والش نے بتایا کہ شہر کے مغرب میں واقع اتھلیٹک کلب میں فائرنگ کا واقعہ پیش آیا جس میں ایک شخص ہلاک ہوگیا۔

(جاری ہے)

محکمہ پولیس کی سوشل میڈیا پوسٹ میں تصدیق کی گئی ہے کہ مشتبہ حملہ آور کو زخمی حالت میں مقامی ہسپتال منتقل کیا گیا جہاں وہ جانبر نہ ہو سکا۔شہر کے محکمہ پولیس کے ترجمان نیبتایا کہ3زخمیوں کو مقامی ہسپتالوں میں منتقل کیا گیا جن میں سے ایک کی حالت تشویشناک ہے۔پولیس حکام کا کہنا تھا کہ حملے کی تحقیقات کی جارہی ہیں۔