ھ*داروغہ والہ انڈسٹری اونرز ایسوسی ایشن کے نومنتخب عہدیداران کی ایم ڈی واسا سے ملاقات

ًواسا کی حدود اور ڈویلپمنٹ کو بی آر بی نہر تک توسیع دے دی گئی، ایم ڈی واسا غفران احمد

ہفتہ 17 مئی 2025 21:10

ھ*لاہور (اُردو پوائنٹ اخبارتازہ ترین - آن لائن۔ 17 مئی2025ء) داروغہ والہ انڈسٹری اونرز ایسوسی ایشن رجسٹرڈ کے نومنتخب عہدیداران کی چیئرمین شعبان اختر صدر رمیز دیوان کی قیادت میں واسا کے ایم ڈی غفران احمد، ڈی ایم ڈی عبدالطیف سے ان کے دفتر میں ملاقات کے موقع پر ایسوسی ایشن کی جانب سے تمام مسائل کو 27 مئی کو ہونے والے ٹینڈرز میں شامل کرنے کا وعدہ کر دیا۔

ان مسائل میں پینے کے صاف پانی کی فراہمی کے لئے ٹیوب ویلز کی تنصیب سیوریج سسٹم کے ساتھ ساتھ گلیوں کو کنکریٹ کیا جائے گا۔

(جاری ہے)

واسا کی حدود جو پہلے رنگ روڈ کے اندرون تھی کو بڑھا کر بی آر بی نہر تک توسیع دے دی گئی ہے۔ غفران احمد نے تمام نومنتخب عہدیداران و ممبران ایگزیکٹو کو مبارکباد دیتے ہوئے کہا کہ میری سابقہ تعیناتی کے دوران ایسوسی ایشن کے ساتھ خوشگوار تعلقات رہے جس میں ہم نے ہرممکن مسائل کو حل بھی کیا اس دفعہ وزیراعلیٰ پنجاب مریم نواز کی خصوصی توجہ سے وسیع فنڈز موجود ہیں جن کی وجہ سے تمام مسائل کو حل کر لیا جائے گا۔

وفد میں جنرل سیکرٹری شہزاد سلیم، فنانس سیکرٹری حاجی نثار، شہزادہ شاہد، نعیم مغل، محمد حفیظ، فرحان علی، شاہد مغل، بیگم محمد حسن اور عمر عبداللہ شامل تھے۔