لاہور ہائیکورٹ کا ترمیمی روسٹر (آج )سے 5 جولائی تک نافذ العمل رہے گا

12 ڈویژن بنچ سول ،فوجداری اپیلوں،26 سنگل بنچ حکم امتناعی، ضمانت، اندراج مقدمہ سمیت دیگر کیسز کی سماعت کرینگے

اتوار 18 مئی 2025 10:50

لاہور(اُردو پوائنٹ اخبارتازہ ترین - این این آئی۔ 18 مئی2025ء)چیف جسٹس ہائیکورٹ جسٹس عالیہ نیلم کی منظوری سے جاری ترمیمی روسٹر آج ( پیر) 19مئی سے 5 جولائی تک نافذ العمل رہے گا ۔پرنسپل سیٹ لا ہور پر آج سے 26 معز زججز مقدمات کی سماعت کریں گے ،12 ڈویژن بنچ سول اور فوجداری اپیلوں،26 سنگل بنچ حکم امتناعی، ضمانت، اندراج مقدمہ سمیت دیگر کیسز کی سماعت کریں گے۔

(جاری ہے)

چیف جسٹس عالیہ نیلم اور جسٹس عبہر گل خان پر مشتمل بنچ ہر قسم کے کیسوں، جسٹس عابد عزیز اور جسٹس عاصم حفیظ پر مشتمل بنچ ٹیکس اپیلوں، جسٹس شمس محمود مرزا اور جسٹس عابد حسین چٹھہ پر مشتمل بنچ بینکنگ اور کمرشل اپیلوں، جسٹس شہباز رضوی اور جسٹس طارق محمود باجوہ پر مشتمل بنچ نیب، انسداد دہشتگردی اپیلوں، جسٹس فیصل زمان اور جسٹس خالد اسحاق ، جسٹس مسعود عابد نقوی اور جسٹس ساجد محمود سیٹھی اورجسٹس چوہدری محمد اقبال اور جسٹس وقار حیدر اعوان پر مشتمل بنچ سول اپیلوں، جسٹس شاہد کریم اور جسٹس انوار حسین پر مشتمل بنچ سول اور بینکنگ اپیلوں، جسٹس اسجد جاوید گھرال اور جسٹس محمد وحید خان پر مشتمل بنچ فوجداری اپیلوں، جسٹس فاروق حیدر اور جسٹس علی ضیا ء باجوہ پر مشتمل بنچ قتل اور فوجداری اپیلوں، جسٹس محمد طارق ندیم اور جسٹس محمد جواد ظفر پر مشتمل بنچ منشیات اور فوجداری اپیلوں جبکہ جسٹس سلطان تنویر احمد اور جسٹس حسن نواز مخدوم پر مشتمل بنچ بینکنگ اور کمرشل اپیلوں پر سماعت کرے گا۔