تربیلا ڈیم مکمل بھر گیا، تربیلا جھیل میں 57لاکھ 28ہزار ایکڑ فٹ پانی ذخیرہ کر لیا گیا

لاہور (اُردو پوائنٹ اخبارتازہ ترین - این این آئی۔ 21 اگست2025ء) تربیلا ڈیم مکمل بھر گیا، ڈیم میں پانی کی سطح ایک ہزار 550فٹ ہے۔ تربیلا کی جھیل میں اس وقت 57لاکھ 28ہزار ایکڑ فٹ قابل استعمال پانی موجود ہے۔ تربیلا ڈیم کا اپنی پوری صلاحیت کے مطابق بھرنا ملک کے زرعی شعبے اور کم لاگت اور ماحول دوست بجلی کی پیداوار کیلئے نہایت خوش اآئند ہے۔ تربیلا ڈیم گذشتہ 50سال سے پاکستان کی معاشی اور معاشرتی ترقی میں اہم کردار ادا کررہا ہے۔

تربیلا ڈیم سے ضرورت کے مطابق آبپاشی کیلئے پانی کی فراہمی، سیلاب سے بچائو اور کم لاگت پن بجلی پیدا کی جاتی ہے۔تربیلا، منگلا اور چشمہ کے آبی ذخائر میں آج پانی کی آمد و اخراج، ان کی سطح اور بیراجوں میں پانی کے بہائو کی صورت حال حسب ذیل رہی۔ دریا ئے سندھ میں تربیلاکے مقام پر آمد 2لاکھ 68ہزار 300کیوسک اور اخراج 2لاکھ 38ہزار 900کیوسک، کابل میں نوشہرہ کے مقام پر آمد 44ہزار 600کیوسک اور اخراج 44ہزار 600کیوسک، خیرآباد پل پر آمد 2لاکھ 58ہزار 100کیوسک اور اخراج 2لاکھ 58ہزار 100کیوسک،جہلم میں منگلاکے مقام پر آمد 38ہزار 600کیوسک اور اخراج 7ہزار کیوسک، چناب میں مرالہ کے مقام پر آمد 67ہزار 006کیوسک اور اخراج 49ہزار کیوسک ریکارڈ کیا گیا ۔

(جاری ہے)

بیراج: جناح میں آمد 3لاکھ52ہزار 800کیوسک اور اخراج 3لاکھ 19ہزار 400کیوسک، چشمہ میںآمد 4لاکھ 3ہزار 500کیوسک اوراخراج 3لاکھ 51ہزار 600کیوسک، تونسہ میں آمد 4لاکھ 85ہزار کیوسک اور اخراج 4لاکھ 79ہزار 700کیوسک،گدو میں آمد 4لاکھ 39ہزار 100 کیوسک اور اخر اج 4لاکھ 17ہزار 700کیوسک، سکھر میں آمد 3لاکھ 63ہزار 500کیوسک اور اخراج 3لاکھ 15ہزار 400کیوسک، کوٹری میں آمد ایک لاکھ 29ہزار 200کیوسک اور اخراج ایک لاکھ 25ہزار800کیوسک، تریموں میں آمد 79ہزار 400کیوسک اور اخراج 68ہزار 300کیوسک، پنجند میں آمد 70ہزار500کیوسک اور اخراج 56ہزار 300کیوسک ریکارڈ کیا گیا ۔

آبی ذخائر: تربیلا میں ریزروائر کا کم از کم آپریٹنگ لیول 1402فٹ،ریزروائر میں پانی کی موجودہ سطح 1550.00فٹ،ریزروائر میں پانی ذخیرہ کرنے کی انتہائی سطح 1550فٹ اور قابلِ استعمال پانی کا ذخیرہ 5.728 ملین ایکڑ فٹ۔منگلا میں ریزروائر کا کم از کم آپریٹنگ لیول1050فٹ،ریزروائر میں پانی کی موجودہ سطح 1217.45فٹ،ریزروائر میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ5.423 ملین ایکڑ فٹ۔

چشمہ میں ریزروائر کا کم از کم آپریٹنگ لیول638.15فٹ،ریزروائر میں پانی کی موجودہ سطح 643.30 فٹ،ریزروائر میں پانی ذخیرہ کرنے کی انتہائی سطح 649فٹ اور قابلِ استعمال پانی کا ذخیرہ 0.094 ملین ایکڑ فٹ ریکارڈ کیا گیا ۔تربیلا اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد اور اخراج 24گھنٹے کے اوسط بہائو کی صورت میں ہے ۔