نیک نیتی سے مذاکرات نہ کرنے والے ممالک کو ٹیرف میں اضافے کی دھمکیاں ملتی رہیں گی، امریکی وزیر خزانہ

پیر 19 مئی 2025 11:00

واشنگٹن (اُردو پوائنٹ اخبارتازہ ترین - اے پی پی۔ 19 مئی2025ء) امریکا کے وزیر خزانہ سکاٹ بیسنٹ نے کہا ہے کہ امریکا کے شراکت داروں نے نیک نیتی سے مذاکرات نہ کئے تو امریکی صدر ان کو ٹیرف کے نفاذ کی دھمکیاں دیتے رہیں گے۔

(جاری ہے)

اے پی کے مطابق سکاٹ بیسنٹ نے ایک ٹی وی انٹرویو دیتے ہوئے کہاکہ امریکی صدر ان تجارتی شراکت داروں پر ٹیرف لاگو کریں گے جو ’نیک نیتی‘ سے معاہدوں پر بات نہیں کر رہے اور محصولات کی شرح وہی ہو گی جس کی دھمکی امریکی صدر نے گزشتہ ماہ دی تھی۔

سکاٹ بیسنٹ کا کہنا تھا کہ امریکی انتظامیہ اس حوالے سے 18 ممالک پر توجہ مرکوز کر رہی ہے اور ان میں سے ہر ایک کے ساتھ کسی بھی تجارتی معاہدے کا انحصار اس امر پر ہو گا کہ آیا وہ نیک نیتی سے بات چیت کر رہے ہیں اور جن ممالک نے ایسا نہیں کیا ان کو خطوط بھیجے گئےہیں ۔ واضح رہے امریکی صدر نے دو اپریل سے مختلف ممالک کے مختلف شرح کے حساب سے محصولات لگانے کا اعلان کیا تھا، جن کو بعدازاں 90 روز کے لئے واپس لے لیا گیا تھا۔