انگلینڈ اورویسٹ انڈیز کی ویمنزٹیموں کے درمیان پہلا ٹی ٹونٹی کرکٹ میچ 21 مئی کو کھیلا جائے گا

پیر 19 مئی 2025 12:15

لندن (اُردو پوائنٹ اخبارتازہ ترین - اے پی پی۔ 19 مئی2025ء) انگلینڈ اینڈ ویلز کرکٹ بورڈ (ای سی بی )کے اعلامیے کے مطابق ویسٹ انڈیز کی خواتین کی قومی کرکٹ ٹیم رواں ماہ انگلینڈ کا دورہ کرے گی اور میزبان ویمنز ٹیم کے خلاف 3 ٹی ٹونٹی اور تین ایک روزہ بین الاقوامی میچوں کی سیریز کھیلے گی۔ انگلینڈ اور ویسٹ انڈیز کی ٹیموں کے درمیان 3 ٹی ٹونٹی کرکٹ میچوں کی سیریز کا آغاز 21 مئی کو پہلے میچ سے ہوگا ،یہ میچ سینٹ لارنس گراؤنڈ، کینٹربری میں کھیلا جائے گا، دوسرا ٹی ٹونٹی میچ 23 مئی کو کائونٹی گائونڈ، ہوو ،تیسرا اور آخری 26 مئی کو کاؤنٹی گراؤنڈ، چیلمس فورڈ میں کھیلا جائے گا۔

تین ٹی ٹونٹی میچوں کی سیریز کے پہلے دو میچز نائٹ ہوں گے اور فلڈ لائٹس میں کھیلے جائیں گےجبکہ تیسرا میچ ڈے ہوگا۔

(جاری ہے)

ٹی ٹونٹی سیریز مکمل ہونے کے بعد ویسٹ انڈیز کی ٹیم ڈربی پہنچے گی جہاں وہ میزبان انگلینڈ کے خلاف تین ون ڈے میچوں کی سیریز کا پہلا میچ 30مئی کو کھیلے گی اور یہ میچ کائونٹی گرائونڈ، ڈربی میں کھیلا جائے گا۔ دونوں ٹیموں کے درمیان تین ون ڈے میچوں کی سیریز کا دوسرا میچ 4 جون کو گریس روڈ، لیسٹر میں جبکہ تیسرا اور آخری ون ڈے میچ 7جون کو کوپر ایسوسی ایٹس کاؤنٹی گراؤنڈ، ٹاونٹن میں کھیلا جائے گا۔ تین ایک روزہ میچز کی سیریز کے ابتدائی دو میچز ڈے اینڈ نائٹ ہوں گے جبکہ تیسرا اور آخری ون ڈے میچ ڈے ہوگا۔