Live Updates

پی ایس ایل 10 کا آخری لیگ میچ

کراچی کنگز نے اسلام آباد یونائیٹڈ کیخلاف ٹاس جیت لیا

محمد علی پیر 19 مئی 2025 19:26

راولپنڈی (اُردو پوائنٹ اخبارتازہ ترین۔ 19 مئی2025ء) پی ایس ایل 10 کا آخری لیگ میچ ، کراچی کنگز نے اسلام آباد یونائیٹڈ کیخلاف ٹاس جیت لیا۔ تفصیلات کے مطابق پاکستان سپر لیگ 10 کے لیگ میچز کا آج اختتام ہو جائے گا۔ رواں سیزن کے آخری لیگ میچ کے سلسلے میں کراچی کنگز اور اسلام آباد یونائیٹڈ کی ٹیمیں آمنے سامنے آئی ہیں۔ کراچی کنگز نے ٹاس جیت کر پہلے فیلڈنگ کرنے کا فیصلہ کیا ہے۔

(جاری ہے)

واضح رہے کہ دونوں ٹیمیں پلے آف مرحلے تک رسائی حاصل کر چکیں۔ آج کے میچ میں فتح کی صورت میں کراچی کنگز پوائئنٹس ٹیبل پر دوسرے نمبر پر رہے گی، یوں اسے پلے آف مرحلے کے میچ میں شکست کی صورت میں بھی فائنل میں پہنچنے کیلئے ایک اور موقع ملے گا۔ جبکہ اسلام آباد یونائیٹڈ کو پوائنٹس ٹیبل پر دوسرے نمبر پر آنے کیلئے کراچی کنگز کو بڑے مارجن سے شکست دینا ہو گی۔