اسلام آباد یونائیٹڈ نے ہواوں میں اڑنے والی کراچی کنگز کو روند ڈالا

راولپنڈی میں کراچی کنگز کی بیٹنگ لائن ٹھس ہو گئی، پوائنٹس ٹیبل پر دوسری پوزیشن حاصل کرنے کا کنگز کا خواب چکنا چور ہو گیا

محمد علی پیر 19 مئی 2025 23:17

راولپنڈی (اُردو پوائنٹ اخبارتازہ ترین۔ 19 مئی2025ء) اسلام آباد یونائیٹڈ نے ہواوں میں اڑنے والی کراچی کنگز کو روند ڈالا، راولپنڈی میں کراچی کنگز کی بیٹنگ لائن ٹھس ہو گئی، پوائنٹس ٹیبل پر دوسری پوزیشن حاصل کرنے کا کنگز کا خواب چکنا چور ہو گیا۔ تفصیلات کے مطابق پاکستان سپر لیگ 10 کے لیگ میچز کا آج اختتام ہو گیا۔ رواں سیزن کے آخری لیگ میچ کے سلسلے میں کراچی کنگز اور اسلام آباد یونائیٹڈ کی ٹیمیں آمنے سامنے آئیں۔

کراچی کنگز نے ٹاس جیت کر پہلے فیلڈنگ کرنے کا فیصلہ کیا۔ راولپنڈی میں کراچی کنگز کے گیند بازوں کی خوب دھلائی ہوئی، ایلکس ہیلز اور صاحبزادی فرحان کی شاندار بلے بازی کی بدولت اسلام آباد یونائیٹڈ نے کنگز کو تگڑا ہدف دیا، یونائیٹڈ مقررہ 20 اوورز میں 5 وکٹوں کے نقصان پر 251 رنز بنانے میں کامیاب رہے۔

(جاری ہے)

واضح رہے کہ دونوں ٹیمیں پہلے ہی پلے آف مرحلے تک رسائی حاصل کر چکیں۔

آج کے میچ میں فتح کی صورت میں اسلام آباد یونائیٹڈ پوائنٹس ٹیبل پر دوسری پوزیشن حاصل کرنے میں کامیاب ہو گئی، یوں اسے پلے آف مرحلے کے میچ میں شکست کی صورت میں بھی فائنل میں پہنچنے کیلئے ایک اور موقع ملے گا۔ اسلام آباد یونائیٹڈ کو پوائنٹس ٹیبل پر دوسرے نمبر پر آنے کیلئے کراچی کنگز کو بڑے مارجن سے شکست دینا تھی، جس میں وہ کامیاب رہی۔