لاہور‘ 2 لڑکوں کو چوری کے الزام میں تشدد کا نشانہ بنانیوالے پولیس افسر کو گرفتار کرنے کا حکم

نوعمر لڑکوں پر تشدد کا واقعہ لاہور پولیس کی چوکی سبزی منڈی میں کچھ عرصہ قبل پیش آیا تھا

منگل 20 مئی 2025 15:05

لاہور‘ 2 لڑکوں کو چوری کے الزام میں تشدد کا نشانہ بنانیوالے پولیس افسر ..

لاہور(اُردو پوائنٹ اخبارتازہ ترین - این این آئی۔ 20 مئی2025ء) اسسٹنٹ سب انسپکٹر کی جانب سے 2 لڑکوں کو چوری کے الزام میں تشدد کا نشانہ بنانے کی ویڈیو منظر عام پر آگئی۔2 نوعمر لڑکوں پر تشدد کا واقعہ لاہور پولیس کی چوکی سبزی منڈی میں کچھ عرصہ قبل پیش آیا تھا۔

(جاری ہے)

اے ایس آئی بلال نے ان دو لڑکوں کو ایل سی ڈی چوری کے الزام میں حراست میں لیا اور پھر چھڑی سے تشددکا نشانہ بنایا، دوران تشدد لڑکوں کو گالیاں بھی دی گئیں، لڑکوں نے چیخ و پکار کی لیکن تھانیدار نے ایک نہ سُنی، جرم ثابت نہ ہونے پر بغیر کارروائی لڑکوں کو رہا بھی کردیا گیا۔

ڈی آئی جی آپریشنز نے واقعے کا نوٹس لیتے ہوئے ایس پی سٹی کو فوری مقدمہ درج کرکے اے ایس آئی کی گرفتاری کا حکم دے دیا۔پولیس کے مطابق اے ایس آئی بلال چوکی سبزی منڈی سے تبدیل ہو کر تھانہ ساندہ میں تعینات ہے جس کے خلاف محکمانہ کارروائی کا بھی آغاز کر دیا گیا ہے۔