وزیر داخلہ سندھ کے گھر پر مشتعل افراد کا دھاوا

مورو میں ضیاالحسن لنجار کے گھر کو نذر آتش کر دیا گیا، پولیس اہلکاروں کو بھی تشدد کا نشانہ بنایا گیا

محمد علی منگل 20 مئی 2025 18:46

مورو (اُردو پوائنٹ اخبارتازہ ترین۔ 20 مئی2025ء) وزیر داخلہ سندھ کے گھر پر مشتعل افراد کا دھاوا، گھر کو نذر آتش کر دیا گیا، پولیس اہلکاروں کو بھی تشدد کا نشانہ بنایا گیا۔ تفصیلات کے مطابق سندھ کے علاقے مورو میں قوم پرست مظاہرین کی جانب سے کیے جانا والا احتجاج تشدد کی شکل اختیار کر گیا۔ اے آر وائی نیوز کے مطابق وزیر داخلہ سندھ کے گھر پر مشتعل افراد کی جانب سے دھاوا بولا گیا ہے۔

مشتعل افراد کی جانب سے ضیاالحسن لنجار کے گھر کو نذر آتش کر دیا گیا۔

(جاری ہے)

کینال منصوبے کے خلاف احتجاج کے دوران مورو میں مشتعل افراد نے وزیر داخلہ سندھ ضیا الحسن لنجار کے گھر کو آگ لگادی۔ مظاہرین نے کئی کنٹینرز بھی نذر آتش کردیے، ایچ ایس او سمیت پولیس اہلکاروں پر تشدد بھی کیا۔ وزیر داخلہ سندھ ضیا الحسن لنجار نے ایس ایس پی نوشہروفیروز سے واقعے کی تتفصیلات طلب کرلیں۔ انہوں نے واقعے کو دہشت گردی قرار دیتے ہوئے کہا کہ قانون کی رٹ کو چیلنج کرنے والے عناصر کے خلاف آہنی اقدامات کیے جائیں، ضلعی سطح پر مزید تازہ دم دستوں، پولیس کمک کو حرکت میں لایا جائے۔ شہریوں کی املاک کو نقصان پہنچانے والے شرپسندون کو قانون کی گرفت میں لایا جائے۔