غ*ڈپٹی کمشنر سبی جہانزیب شیخ کی زیر صدارت ڈسٹرکٹ ایجوکیشن گروپ کمیٹی کا اجلاس

منگل 20 مئی 2025 20:15

'سبی (اُردو پوائنٹ اخبارتازہ ترین - آن لائن۔ 20 مئی2025ء) ڈپٹی کمشنر سبی جہانزیب شیخ کی زیر صدارت ڈسٹرکٹ ایجوکیشن گروپ کمیٹی کا اجلاس منعقد ہوا۔

(جاری ہے)

جس میں اسسٹنٹ کمشنر منصور علی شاہ،ڈسٹرکٹ ایجوکیشن آفیسر عبدالستار لانگو، سینیر اکانٹس آفیسر میر گہرام لاشاری سمیت ڈی او ای میل / فی میل ڈپٹی ڈی او ای میل / فی میل ڈسٹرکٹ کوارڈینیٹر آر ٹی ایس ایم مرزا اطہر بیگ سمیت دیگر نے شرکت کی ڈسٹرکٹ کوارڈینیٹر آر ٹی ایس ایم نے تمام اسکولوں جس میں فعال اور غیر فعال اسکولوں غیر حاضر اور مسلسل غیر حاضر اساتذہ کے بارے میں تفصیلی رپورٹ پیش کی، آر ٹی ایس ایم کی رپورٹ کے مطابق 56 اسکولوں کے دورے کیے گئے جن میں 08 اسکولوں کو بند پایا گیا ڈپٹی کمشنر سبی نے متعلقہ افسران کو مسلسل غیر حاضر اساتذہ کی تنخواہوں سے کٹوٹی اور شوکاز جاری کرنے کے احکامات جاری کیے اجلاس میں تمام غیر فعال اسکولوں کا تفصیلی جائزہ لیا گیا اور غیر فعال، بند اسکولوں کو فعال کرنے پر زور دیا گیا انہوں نے کہا کہ تمام اٹیچمنٹ ارڈرز کینسل ہو چکے ہیں ایسے تمام اساتذہ جو اٹیچمنٹ پر تھے وہ فوری اپنی جائے تعیناتی پر رپورٹ پیش کریں بصورت دیگر ان کی تنخواہوں سے کٹوتی کی جائے گی انہوں نے کہا کہ اساتذہ اپنی پیشہ ورانہ صلاحیتوں کو بروئے کار لاتے ہوئے اپنے فرائض ایمانداری سے ادا کریں اور محکمہ تعلیم کے افسران وہ تمام ممکنہ اقدامات اٹھائیں جس سے تعلیمی اداروں میں حقیقی اور واقعی بہتری ممکن ہو ڈپٹی کمشنر سبی نے متعلقہ افسران کو اگلے اجلاس میں چائلڈ لیبر کے حوالے سے ڈیٹا فراہم کرنے کی ہدایت بھی کی۔