گورنرسندھ کامران خان ٹیسوری کی وزیراعلیٰ سندھ اور صوبائی کابینہ کے ہمراہ مزار قائد پر حاضری

پھولوں کی چادر چڑھائی ۔ فاتحہ خوانی کی ۔افواج پاکستان نے بھارت کو بدترین شکست دے کر پوری قوم کا سر فخر سے بلند کیا۔ میڈیا سے گفتگو

جمعرات 14 اگست 2025 17:37

گورنرسندھ کامران خان ٹیسوری کی وزیراعلیٰ سندھ اور صوبائی کابینہ کے ..

کراچی (اُردو پوائنٹ اخبارتازہ ترین - این این آئی۔ 14 اگست2025ء)یومِ آزادی کے موقع پر گورنر سندھ کامران خان ٹیسوری نے بانی پاکستان قائداعظم محمد علی جناحؒ کے مزار پر حاضری دی۔ اس موقع پر وزیرِ اعلیٰ سندھ نے اپنی کابینہ کے ہمراہ گورنر سندھ کا استقبال کیا، جبکہ چیف سیکریٹری سندھ، آئی جی سندھ پولیس، کمشنر کراچی اور دیگر اعلیٰ افسران بھی موجود تھے۔

گورنر سندھ نے مزار پر پھولوں کی چادر چڑھائی، فاتحہ خوانی کی اور ملک کی ترقی، خوشحالی اور سلامتی کے لئے دعا کی۔ بعد ازاں گورنر سندھ نے مزار قائد کے احاطے میں پرچم کشائی کی اور جشنِ آزادی کی مرکزی تقریب میں بطور مہمانِ خصوصی شرکت کی۔تقریب میں سعودی عرب، امریکہ، ترکیہ، سری لنکا، جرمنی، متحدہ عرب امارات اور ایران سمیت کئی ممالک کے قونصل جنرلز، سرکاری شخصیات اور عوام کی بڑی تعداد نے شرکت کی۔

(جاری ہے)

گورنر سندھ بچوں میں گھل مل گئے، بچوں نے خوشی کا اظہار کرتے ہوئے ان کے ساتھ سیلفیاں بنائیں۔میڈیا سے گفتگو کرتے ہوئے گورنر سندھ کامران خان ٹیسوری نے کہا کہ پوری قوم 78واں جشنِ آزادی دگنے ملی جوش و خروش سے منا رہی ہے۔ اس بار جشنِ آزادی کو "معرکہ حق" کا نام دیا گیا ہے۔ پاک افواج نے قوم کا سر فخر سے بلند کیا اور بھارت کو منہ توڑ جواب دیا، جس کی دنیا بھر میں تعریف ہوئی۔