ٹریڈنگ کارپوریشن نے2 لاکھ ٹن چینی کی درآمد کیلئے ٹینڈر جاری کردیا،21اگست تک بولیاں طلب

چینی کی 25 ہزار ٹن سیکم کی بولی منظورنہیں کی جائے گی،ٹریڈنگ کارپوریشن آف پاکستان کا ٹینڈرجاری

جمعرات 14 اگست 2025 20:30

ٹریڈنگ کارپوریشن نے2 لاکھ ٹن چینی کی درآمد کیلئے ٹینڈر جاری کردیا،21اگست ..

اسلام آباد(اُردو پوائنٹ اخبارتازہ ترین - این این آئی۔ 14 اگست2025ء)ٹریڈنگ کارپوریشن آف پاکستان ( ٹی سی پی)نے 2 لاکھ ٹن چینی کی درآمد کیلئے ایک اور ٹینڈر جاری کردیا، 21 اگست تک بولیاں طلب کرلی گئیں۔ٹریڈنگ کارپوریشن آف پاکستان کی جانب سے جاری کردہ ٹینڈر دستاویز کے مطابق ٹی سی پی نی2 لاکھ ٹن چینی کی درآمد کیلئے 21 اگست تک بولیاں طلب کرلی ہیں۔

ٹینڈر دستاویز کے مطابق چینی کی 25 ہزار ٹن سیکم کی بولی منظورنہیں کی جائے گی۔

(جاری ہے)

قبل ازیں ٹی سی پی نے ایک لاکھ میٹرک ٹن چینی کا ٹینڈر 11اگست کو کھولا تھا، جس کیلئے ٹی سی پی کو کل 5 بولیاں موصول ہوئی تھیں، ایک بولی دہندہ نے معذرت کرلی تھی۔ٹی سی پی کو ٹینڈر میں539 سے 586 ڈالر فی ٹن کے حساب سے بولیاں موصول ہوئیں تھیں۔خیال رہے کہ وفاقی کابینہ نے گذشتہ مہینے میں 5 لاکھ میٹرک ٹن چینی درآمد کرنے کی منظوری دی تھی۔چینی سرکاری سطح پر ٹی سی پی کے ذریعے درآمد کرنے کا فیصلہ ہوا تھا اور وفاقی حکومت نے چینی کی درآمد کو تمام ٹیکسوں سے استثنیٰ دے دیا تھا۔