گورنرسندھ کامران خان ٹیسوری سے لاہور قلندر کے سی ای او عاطف رانا کی ملاقات

لاہور قلندرز کے پلیئر ڈیولپمنٹ پروگرام اور آئندہ منصوبوں پر بریفنگ دی گئی۔کھیلوں کی ترویج، نوجوان ٹیلنٹ کی ترقی اور مشترکہ منصوبہ بندی پر تبادلہ خیال

جمعرات 14 اگست 2025 17:37

گورنرسندھ کامران خان ٹیسوری سے لاہور قلندر کے سی ای او عاطف رانا کی ..

کراچی (اُردو پوائنٹ اخبارتازہ ترین - این این آئی۔ 14 اگست2025ء)گورنر سندھ کامران خان ٹیسوری سے لاہور قلندرز کے چیف ایگزیکٹیو آفیسر عاطف رانا نے گورنر ہاؤس میں ملاقات کی ۔ملاقات میں کھیلوں کی ترویج، نوجوان ٹیلنٹ کی ترقی اور مشترکہ منصوبہ بندی پر تفصیلی تبادلہ خیال کیا گیا۔عاطف رانا نے لاہور قلندرز کے پلیئر ڈیولپمنٹ پروگرام اور آئندہ منصوبوں پر بریفنگ دی۔

(جاری ہے)

گورنر سندھ نے نوجوان کھلاڑیوں کے لیے جدید سہولتوں کی فراہمی کا عزم دہرایا۔ملاقات میں وفاقی و صوبائی سطح پر کھیلوں کے انفراسٹرکچر میں بہتری کے لیے تجاویز پر مشاورت ہوئی۔شرکاء نے پاکستان میں کھیلوں کے جذبے کو مزید فروغ دینے پر اتفاق کیا۔عاطف رانا نے PSL چیمپئنز لاہور قلندرز کا مستقبل کا وژن اور مشن پیش کیا۔گورنر سندھ نے کھیلوں کے فروغ میں ہر ممکن تعاون کی یقین دہانی کرائی۔یہ ملاقات سندھ میں کرکٹ کے فروغ اور نوجوان ٹیلنٹ کے لیے نئے مواقع پیدا کرنے کا سبب بنے گی۔