کوہستان میں اربوں روپے کا ایک اور سکینڈل سامنے آگیا

کوہستان میں سپیشل آڈٹ کے دوران 21ارب روپے سے زائد بے قاعدگیوں کا انکشاف

منگل 20 مئی 2025 21:05

پشاور (اُردو پوائنٹ اخبارتازہ ترین - این این آئی۔ 20 مئی2025ء)کوہستان میں 21ارب روپے کا ایک اور سکینڈل سامنے آگیا، کوہستان میں سپیشل آڈٹ کے دوران 21ارب روپے سے زائد بے قاعدگیوں کا انکشاف ہوا۔ڈی جی آڈٹ کے مطابق سال 2023-24ء کے کوہستان سپیشل آڈٹ کے دوران 21ارب 30 کروڑ روپے کی بے قاعدگیاں سامنے آئیں۔

(جاری ہے)

آڈیٹر جنرل نے کوہستان میں صرف محکمہ بلدیات کے ترقیاتی کاموں کا آڈٹ کیا ہے، آڈیٹرجنرل نے صوبے کے ملاکنڈ ڈویژن میں 6 ارب روپے کی بے قاعدگیوں کی بھی نشاندہی کی ہے۔

ڈی جی آڈٹ کے مطابق سوات میں محکمہ بلدیات میں 4ارب 30کروڑ، بونیر میں 3کروڑ روپے کی بے قاعدگیاں ہوئی ہیں۔صوابی میں 56کروڑ، مردان میں 58 کروڑ اور 8کروڑ کی بے قاعدگیاں ملاکنڈ میں ہوئی ہیں، باجوڑ کے اے ڈی لوکل گورنمنٹ میں 24کروڑ کی بے قاعدگیاں آڈٹ کے دوران رپورٹ ہوئیں۔