برطانیہ نے مغربی کنارے کے یہودی آبادکاروں پر پابندیاں عائدکردیں

بدھ 21 مئی 2025 11:10

لندن (اُردو پوائنٹ اخبارتازہ ترین - این این آئی۔ 21 مئی2025ء)برطانیہ نے مقبوضہ مغربی کنارے میں مقیم متعدد یہودی آبادکاروں کے خلاف پابندیوں کا اعلان کیا ہے۔میڈیارپورٹس کے مطابق برطانیہ نے ان یہودی آبادکاروں کو فلسطینیوں کے خلاف پرتشدد کارروائیوں کا حصہ قرار دیا ۔ان پابندیوں کی زد میں یہودی آبادکاروں کی ایک آئوٹ پوسٹ نیریا فارم بھی شامل ہے۔

(جاری ہے)

جبکہ آئوٹ پوسٹ میں رہنے والے متعدد یہودی آبادکاروں کو بھی پابندیوں کی زد میں لایا گیا ہے۔برطانیہ کی طرف سے عائد کردہ پابندیوں میں بعض اسرائیلی کمپنیاں بھی زد میں آئی ہیں۔ ان میں نچالا، لیبی کنسٹرکشن اینڈ انفراسٹرکچر لمیٹڈ، ہارل لیبی، ڈینییلا ویس اور کوکوز فارم آٹ پوسٹ شامل ہیں۔علاوہ ازیں ظہر صباح پر بھی پابندی عائد کی ہے۔ جس کی وجہ فلسطینیوں کے خلاف جارحیت اور پرتشدد کارروائیوں کی اجازت دینے، ان کارروائیوں کی حمایت کرنے اور ارتکاب کرنا بتائی گئی ہے۔