Live Updates

پی ایس ایل کی کارکردگی دیکھتے ہوئے ٹیم میں شاداب خان کی جگہ بنتی ہے‘کامران اکمل

بدھ 21 مئی 2025 14:30

کراچی (اُردو پوائنٹ اخبارتازہ ترین - این این آئی۔ 21 مئی2025ء)شاداب خان کی قومی ٹیم میں شمولیت کے معاملے میں سابق کرکٹرز کامران اکمل اور باسط علی میں شدید اختلافات سامنے آیا ہے ۔ایک نجی ٹی وی کے پروگرام میں جب کامران اکمل نے کہا کہ پی ایس ایل کی کارکردگی دیکھتے ہوئے ٹیم میں شاداب خان کی جگہ بنتی ہے تو باسط علی نے ان سے شدید اختلاف کرتے ہوئے موقف اپنایا کہ پی ایس ایل کی کارکردگی پر سینئر کھلاڑی قومی ٹیم میں آنے لگے تو نئے بچے کہاں جائیں گی ۔

باسط علی کا کہنا ہے کہ ایچ بی ایل پی ایس ایل 10 کی اس وقت سب سے تگڑی ٹیم اسلام آباد یونائٹیڈ ہے۔انہوں نے کہا کہ اس کے بعد دوسرے نمبر کی ٹیم کوئٹہ نہیں بلکہ لاہور قلندر ہے۔اس حوالے سے کامران اکمل نے بھی اس بات کی تائید کرتے ہوئے کہا کہ اسلام آباد کی ٹیم نئے اور غیر ملکی کھلاڑیوں کے آنے سے مزید بہتر ہوئی ہے۔

(جاری ہے)

خاص طور پر الیکس ہیل کی شمولیت سے کافی فائدہ ہوا۔

ایک سوال کے جواب میں کامران اکمل نے کہا کہ پی ایس ایل کی کارکردگی دیکھتے ہوئے ٹیم میں شاداب خان کی جگہ بنتی ہے۔ اب دیکھنا یہ ہے کہ سلیکٹرز ان کی کون سی پرفارمنس دیکھتے ہیں۔اس حوالے سے باسط علی نے شدید اختلاف کرتے ہوئے کہا کہ بحیثیت سلیکٹر میں کبھی بھی شاداب خان کو ٹیم میں نہیں رکھوں گا کیونکہ وہ پی ایس ایل کی پرفارمنس سے نہیں آئے گا۔ان کا کہنا تھا جب ہمارے پاس ابرار ہے صفیان ہے خوشدل شاہ ہے تو اس کی جگہ ہی بنتی اور اگر پی ایس ایل کی کارکردگی پر سینئر کھلاڑی قومی ٹیم میں آنے لگے تو نئے بچے کہاں جائیں گی ۔