پی ایس ایل 10، سعود شکیل نے ایک سیزن میں مسلسل فتوحات کا ریکارڈ اپنے نام کرلیا

پہلے کوالیفائر میں کوئٹہ گلیڈی ایٹرز نے اسلام آباد یونائیٹڈ کو 30 رنز سے شکست دے کر فائنل میں جگہ بنالی

ذیشان مہتاب جمعرات 22 مئی 2025 16:05

پی ایس ایل 10، سعود شکیل نے ایک سیزن میں مسلسل فتوحات کا ریکارڈ اپنے ..

لاہور (اردو پوائنٹ تازہ ترین اخبار ۔ 22 مئی 2025ء ) کوئٹہ گلیڈی ایٹرز کے کپتان سعود شکیل نے ایک سیزن میں مسلسل فتوحات کا نیا ریکارڈ اپنے نام کرلیا۔

پی ایس ایل 10 کے پہلے کوالیفائر میں کوئٹہ گلیڈی ایٹرز نے اسلام آباد یونائیٹڈ کو 30 رنز سے شکست دے کر فائنل میں جگہ بنالی۔

یہ بطور کپتان اس سیزن میں سعود شکیل کی مسلسل 7ویں کامیابی تھی جس کے ساتھ ہی وہ ایک پی ایس ایل سیزن میں مسلسل سب سے زیادہ میچز جیتنے والے کپتان بن گئے ہیں ۔

اس سے قبل مصباح الحق کی قیادت میں اسلام آباد یونائیٹڈ نے 2018ء میں 6 جب کہ پی ایس ایل 2022ء میں محمد رضوان کی قیادت میں ملتان سلطانز نے بھی لگاتار 6 میچز جیتے تھے۔

گزشتہ روز لاہور میں کھیلے گئے میچ میں یونائیٹڈ کی ٹیم 210 رنز کے تعاقب میں 20 ویں اوور میں 179 رنز بنا کر آؤٹ ہوگئی۔

(جاری ہے)

یونائیٹڈ کی جانب سے صاحبزادہ فرحان 52 رنز بنا کر نمایاں رہے۔

سلمان آغا 44، رسی وین ڈر ڈوسین 35، کپتان شاداب خان 16، عماد وسیم 5، جیمی نیشم 1جبکہ نسیم شاہ اور ایلکس ہیلز بغیر کوئی رن بنائے آؤٹ ہوئے۔

گلیڈی ایٹرز کی جانب سے عثمان طارق نے 3، محمد عامر اور فہیم اشرف نے 2، 2 جبکہ ابرار احمد اور محمد وسیم نے 1، 1 وکٹ حاصل کی۔

اس سے قبل ٹاس جیت کر پہلے بیٹنگ کرتے ہوئے کوئٹہ گلیڈی ایٹرز کی ٹیم نے مقررہ اوورز میں 6 وکٹوں کے نقصان پر 209 رنز اسکور کیے۔

گلیڈی ایٹرز کی جانب سے دنیش چندیمل 48 رنز ناٹ آؤٹ بنا کر نمایاں رہے۔ فہیم اشرف 45، فن ایلن 41، اویشکا فرننڈو 32، رائلی روسو 16، کپتان سعود شکیل 12 اور حسن نواز 6 رنز بنا کر آؤٹ ہوئے۔