فائنل تک رسائی کا موقع اب بھی موجود ہے،سلمان علی آغا

جمعرات 22 مئی 2025 22:08

لاہور(اُردو پوائنٹ اخبارتازہ ترین - آن لائن۔ 22 مئی2025ء) اسلام آباد یونائیٹڈ کے سلمان علی آغا نے کہا کہ ٹیم ابھی بھی فائنل کی دوڑ میں شامل ہے اور ایلیمینیٹر میں فتح حاصل کرنے کی بھرپور کوشش کی جائے گی۔کوالیفائر 1 میں سامنا کرنے والی اسلام آباد یونائیٹڈ کے مڈل آڈر بیٹر سلمان علی آغا نے میڈیا سے گفتگو کرتے ہوئے کہا کہ جو بھی ٹیم سامنے آئے، ہماری کوشش ہو گی کہ انہیں شکست دے کر فائنل کی راہ ہموار کریں۔

بولنگ پر بات کرتے ہوئے آغا نے تسلیم کیا کہ ٹیم کو اس شعبے میں مزید بہتری کی ضرورت ہے، انہوں نے کہا کہ ہماری بولنگ میں کچھ کمزوریاں رہی ہیں،سلمان علی آغا نے کہا کہ خاص طور پر آخری اوورز میں ہم نے زیادہ رنز دیے، لیکن ہم اس پر کام کر رہے ہیں اور اسے بہتر کرنے کی کوشش کریں گے۔

(جاری ہے)

بیٹر نے کہا کہ ٹی20 فارمیٹ میں مومنٹم بہت اہم ہوتا ہے کہ اگر ٹیم کا مومنٹم صحیح سمت میں ہو تو نتائج بھی بہتر آتے ہیں، ہم اسی تسلسل کو برقرار رکھنے کی کوشش کریں گے۔

اسلام آباد یونائیٹڈ کے ہیڈ کوچ مائک ہیسن کی تعریف کرتے ہوئے انہوں نے کہا کہ مائک ہیسن ایک بہترین کوچ ہیں، وہ ٹیم کا ماحول مثبت رکھتے ہیں اور کھلاڑیوں کو اعتماد دیتے ہیں۔ ان کی کوچنگ سے ٹیم کو فائدہ پہنچا ہے۔کوئٹہ گلیڈی ایٹرز کے خلاف میچ میں شکست کے حوالے سے انہوں نے اعتراف کیا کہ چند غلطیوں کی وجہ سے ٹیم کو نقصان ہوا کہ آخری اوورز میں ہم نے غیر ضروری رنز دیے اور بیٹنگ میں وکٹیں جلدی گرنے سے ہمارا پلان متاثر ہوا، جس کا نتیجہ ہمارے خلاف گیا۔

Facebook Twitter Google + Share on Whatsapp

فائنل تک رسائی کا موقع اب بھی موجود ہے،سلمان علی آغا

متعلقہ عنوان :

مزید کھیلوں کی خبریں